Ibinahagi ng tinaguriang "Asia's Unkabogable and Phenomenal Star" Vice Ganda ang kuhang video niya kung saan makikita ang kaniyang "buwis-buhay" na performance sa isang event, na ibinahagi naman ng ilang mga tagahangang netizen.
Makikitang ibinitin at pinaikot-ikot si Meme Vice Ganda bilang bahagi ng kaniyang performance. Dinig na dinig naman ang hiyawan ng audience sa kaniyang buwis-buhay act sa isang bar sa Ortigas, Pasig City.
Isa sa mga netizen na nagbahagi nito ang nagbitiw ng biro kay Vice.
"Sinong makakapagsabing 57 ka na," caption nito.
‘Naka-red alert!’ PSC, dinoble seguridad ni PBBM matapos ‘assassination threat’ ni VP Sara
Niretweet naman ito ng "It's Showtime" host at nilagyan ng pabirong caption.
"Bastos kang bata ka! Waaahhh! 🤪👊."
"Ang Saya!!! Buwis buhay Meme @vicegandako," saad naman ng isa pang netizen.
"Darna labas!!!" pabirong hirit ni Meme Vice.
Simula noong nakaluwag-luwag na ang mga polisiya kaugnay ng mga protocols sa pandemya ay muling nagbabalik sa pagpeperform at pagpapasaya ang mga celebrity na gaya ni Vice, sa Pilipinas man o sa ibang bansa.
