Naglabas ng kaniyang reaksiyon at saloobin ang "It's Showtime" host at bokalista ng bandang Rocksteddy na si Teddy Corpuz hinggil sa mga taong maituturing na tropa, subalit kapag nakagalit, ay inilalabas ang "resibo" o ebidensya ng mga pribadong mensahe kapag nakaalitan na ito.

Ayon sa kaniyang tweet nitong Oktubre 28, "pangit kabonding" ang mga ganitong klaseng tropa o kaibigan.

"Pangit din pala ka bonding yung tropa mo na pag nagka galit kayo, ilalabas yung mga private convo messages nyo sa GC kahit matagal na di pa nya nabubura para nga naman may “resibo”. Pangit din pala yung ganun. 💔," ani Teddy.

Giit pa ni Teddy sa isa pang tweet, "I'm sure malala din mga pinagsasasabi natin sa mga marites na gc natin dyan!"

VP Sara, tahasang iginiit na hindi niya binoto si Romuadlez

Aniya pa, hindi lahat ng mga problemang pampersonal ay kailangang daanin sa social media.

"Don’t be that kind of person. Just talk and resolve your problems in private. Di naman kailangan daanin sa socmed ang lahat."

Bagama't walang binanggit na partikular na mga pangalan at maaaring paalala ito sa lahat bilang pangkalahatang paalala, naiugnay ng mga netizen ang nasabi ng host-band vocalist sa naganap na bardagulan sa pagitan nina Wilbert Tolentino at Zeinab Harake.

Matatandaang naglabas ng mga resibo si Wilbert sa kaniyang "Rebelasyon" hinggil sa mga sinasabi ni Zeinab hinggil sa ibang vloggers, sa pamamagitan ng private messages.

Basahin: https://balita.net.ph/2022/10/24/ang-rebelasyon-wilbert-tolentino-nagsiklab-sa-post-ni-zeinab-harake-may-isiniwalat-laban-sa-kaniya/">https://balita.net.ph/2022/10/24/ang-rebelasyon-wilbert-tolentino-nagsiklab-sa-post-ni-zeinab-harake-may-isiniwalat-laban-sa-kaniya/

Agad namang humingi ng tawad si Zeinab sa mga nabanggit na vloggers at celebrity.

Basahin: https://balita.net.ph/2022/10/25/walang-palusot-zeinab-harake-humingi-ng-dispensa-sa-kapwa-vloggers-celebs-followers/">https://balita.net.ph/2022/10/25/walang-palusot-zeinab-harake-humingi-ng-dispensa-sa-kapwa-vloggers-celebs-followers/