Ispluk ng talent manager at komedyanteng si Ogie Diaz na maski raw siya ay inalok bayaran ni Wilbert Tolentino noong mag-collab sila sa isang vlog.
Sa YouTube channel na "Ogie Diaz Showbiz Update" pinag-usapan nina Ogie, Mama Loi, at Tita Jegz ang nangyari sa pagitan nina Wilbert at Zeinab Harake kamakailan. Dito, isiniwalat ng talent manager na siya mismo ay inofferan ni Wilbert.
“Ako mismo nung inofferan ako, sabi ko, 'wag ako, 'wag mo akong bayaran, pwede kang mag-donate na lamang sa Kasuso Foundation kasi hindi nga ako tumatanggap,” saad ni Ogie.
“So ‘yung kay mamshie, 'yung sa akin pinadirekta ko talaga ‘yung tseke na nakapangalan sa Kasuso Foundation. Alam ni momshie 'yan na wala akong tinanggap sa kaniya, diretso talaga doon," sey pa niya.
50.78% examinees, pasado sa Nov. 2024 Licensure Exam for Agriculturists
"Kaya naman noong naantig si momshie, dinagdagan pa niya and nitong October binigyan pa niya ang mga pasyente. Nagbigay pa siya ng pa-raffle tsaka isa-isa nakapag-uwi o ng pamasahe. So ako talaga hindi ako tumanggap," paliwanag pa ng komedyante.
Samantala, sinabi rin niya na may kaniya-kaniyangdiskarte ang mga vloggers kung paano sila makagagawa ng mga content.
“Bilang vlogger din tayo, mayroon naman tayong kaniya-kaniyang diskarte, kaniya-kaniya tayong strategy kung paano tayo makakagawa ng content na at the end of the day, tataas ba ang views o babagsak ang views? Depende e. Ang mga netizens pa rin ang may karapatang pumindot kung gusto nilang panoorin 'yung isang vlog."
Matatandaang naging hot topic sa social media ang "rebelasyon" ni Wilberttungkol sa kapwa vlogger at online personality na si Zeinab Harake, dahil lamang sa “parinig post” ng huli.
Tila nagsiklab ang kalooban ni Wilbert dahil marami umano ang nagpapadala sa kaniya ng personal message tungkol sa cryptic post ni Zeinab hinggil sa mga “manggagamit”.
Basahin: https://balita.net.ph/2022/10/24/ang-rebelasyon-wilbert-tolentino-nagsiklab-sa-post-ni-zeinab-harake-may-isiniwalat-laban-sa-kaniya/" target="_blank">https://balita.net.ph/2022/10/24/ang-rebelasyon-wilbert-tolentino-nagsiklab-sa-post-ni-zeinab-harake-may-isiniwalat-laban-sa-kaniya/
