Parang sad na sad daw ngayon si Manay Lolit Solis dahil feeling niya marami raw ang may sama ng loob, galit, o lihim na inggit laban sa kaniya.
Ibinahagi niya ang saloobin sa isang Instagram post nitong Biyernes, Oktubre 28.
"Salve alam mo ba na habang nagda dialysis ako parang sad na sad ako. Kasi nga parang ayoko na mga nangyayari sa akin. Iyon bang parang marami may sama ng loob, may galit at parang may lihim na inggit o anuman against me," sey ni Manay.
"Sad ako dahil hindi ko gusto na sa edad ko ngayon, at sa kinalalagyan ko sa showbiz na magkaroon pa ng ganitong mga issues," dagdag pa niya.
Agusan del Sur, nilindol ng magnitude 5.3
Binanggit din niya ang payo sa kaniya ng aktor na si Alfred Vargas na lumayo sa mga "negative people" lalo na raw ang mga palaaway.
"Tama nga ang sinabi ni Alfred Vargas, Salve. Stay away from negative people, lalo na iyon palaaway. Life is short, hindi kailangan sayangin sa mga bagay na hindi maganda. Dapat lang na thankful ako sa mga nangyari sa buhay ko. Dapat lang magpasalamat ako sa narating ko, sa ibinigay na grasya ng Diyos sa akin," sey ni Lolit.
"Hayaan ko na ang mga tao na para bang hinihintay na mawala ako, mabigo, o kaya malugmok. Sad ako pero thankful na kahit na ano pa sinasabi ng iba, heto at marami parin ang may tiwala at nagmamahal sa akin," sabi pa niya.
"Basta lagi ko lang isipin na kung talagang ganuon ako tulad ng sinasabi nila, sana matagal na akong sinipa ng showbiz, iniwasan. Pero mula nuon hangga ngayon, nandito parin ako. Salamat sa mga nagmamahal sa akin, at sa mga galit, ok lang.
"Hindi naman ako umuurong sa anuman laban ng buhay. Ayaw nyo, ok lang. Huwag nyo na lang ako plastikin, ipakita nyo ng maliwanag kung ano ang feeling nyo. Ang bigat maging plastik noh!"
