LIST: Shopping galore ni Megastar sa South Korea, tinatayang aabot sa higit P1.7-M-Balita

Matatandaan ang naging viral na pamamakyaw noon ni Megastar Sharon Cuneta sa Louis Vuitton matapos hindi papasukin sa isang Hermès store sa Seoul, South Korea.

Sa kaniyang latest YouTube vlog noong Miyerkules, dahil sa demand umano ng kaniyang subscribers, ibinahagi ng aktres ang kaniyang unang unboxing content tampok ang parehong mga pinamili sa luxury brands na Prada at LV sa hallyu capital.

Narito ang listahan ng eksaktong produktong naibahagi sa vlog ng aktres kalakip ang katumbas na presyo ayon na rin sa ilang official online stores.

PRADA

1. Saffiano and Metal Keychain Trick -- P 24,153.20

2. Saffiano Leather Robot Trick Keychain – P 28,134.32

3. Large Saffiano Leather Wallet – P 46, 207.36

4. Saffiano Emboss Leather Wallet – P 48, 443.20

5. Re-Nylon and Saffiano Leather Shoulder Bag – P 90,178.88

6. Re-Edition 2005 Re-Nylon Mini Bag – P 66, 665.30

7. Prada Duet Re-Nylon Shoulder Bag – P 86, 893.56

LOUIS VUITTON

1. Louis Vuitton Sarah Wallet – P 62, 069.07

2. Louis Vuitton Zippy Wallet – P 39, 156.07

3. Louis Vuitton Berlingot Bag Charm and Key Holder – P 41, 766.48

4. Louis Vuitton Capuccines BB – P 417,664.80

5. Louis Vuitton Capuccines MM – P 432, 167.05

6. Louis Vuitton Hooded Wrap Coat – P 327,750.85

Tinatayang aabot sa kabuuang P1,711,253.07 ang mga napamiling gamit ni Mega. Wala pa rito ang isa pang bag na Prada na wala sa kanilang online store.

Samantala, nauna nang nilinaw muli ng aktres sa parehong vlog na hindi siya nagalit o nagyabang sa guard ng Hermès matapos hindi makapasok sa kanilang botique.

Basahin: ‘Hindi naman po ako bobo’: Megastar, may bagong paglilinaw ukol sa viral Hermès incident – Balita – Tagalog Newspaper Tabloid

Di po ako nagalit. Hindi po ako na-offend. Naintindihan ko agad yung guard. Wala namang kinalaman yung guard, ba’t naman sasama yung loob ko?” dagdag ng aktres.

Aniya pa, nagkataon lang na katapat ng tindahan ang Louis Vuitton dahilan para makakita siya aniya ng mga bagong kulay, at kalauna'y maakit na mamakyaw.

“Napabili nga po ako doon [LV]. Paglabas namin, hindi rin ako nagyabang. Sabi ko, ‘I cannot go? Look, I buy everything,’ yung ginanun ko lang siya pero nakangiti ako,” ani Shawie.

&t=1192s

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...