Matapos ang record-breaking “Midnight” album kamakailan, abala naman umano ngayon sa pageantry si Taylor Swift, biro ng fans matapos maispatan ang isang ka-lookalike umano ng American pop star sa Miss Earth 2022.
Tila hindi maiwasang mapansin ng Pinoy fans ang pagkakahawig umano ni Miss Earth Australia 2022 Sheridan Mortlock sa “Midnight” singer-songwriter.
Ito’y kasunod ng mga larawan ng kandidata sa kaniyang arrival sa Pilipinas nitong Huwebes bago ang ilang pre-pageant activities ng kompetisyon.
Sa Nobyembre 29 gaganapin ang muling live coronation finale ng prestihiyusong kompetisyon.
ALAMIN: Mga dapat mong malaman tungkol kay Jose Rizal
“Taylor Swift after mag release ng album ay sasabak naman sa Miss Earth. Daming ganap mhie,” biro ng isang netizen sa isang Facebook group nitong Huwebes.
Sabay-sabay namang sinakyan ng fans ang obserbasyon ng uploader at hinangaan pareho ang pagiging abala ng American singer sa kaliwa’t kanang ganap nito.
Isa pang netizen ang itinanghal na “Sait Patron of Productivity” ang award-winning artist.
“Matapos mag-promote, pageant agad ang inatupag!” kuwelang saad ng isang fan.
“Hardworking talaga si Inang!” hirit ng isa pa.
“Sideline bago gumastos ng MV!”
Nitong Miyerkules, inilabas ni Taylor nag trending na “Bejeweled” MV ilang araw lang matapos basagin ng kaniyang album ang kaliwa’t kanang streaming records.
