Kaliwa’t kanang soldout concert, hit songs, at pagbandera sa galing ng Pinoy sa international arena ang ilan lang sa highlights sa apat na taong karera ng tinaguriang P-pop kings na SB19.
Ito ang binalikan ng maraming A’Tin, tawag sa fans ng grupo, ngayong ipinagdiriwang ng grupo ang ikaapat na anibersaryo.
Matatandaang ilang historic win para sa SB19, dala ang Pilipinas, ang naiuwi na nito sa apat na taon pa lang na pagdomina sa local at international music arena.
Nariyan ang makasaysayang nominasyon ng grupo sa Billboard Music Awards para sa Top Social Artist noong 2021 kahanay ang naglalakihang BTS, Blackpink, Ariana Grande at Seventeen.
PBBM sa National Teacher's Day: 'I wish you a joyful and productive celebration'
Tanging Pinoy act din sa MTV Europe Music Awards noong 2021 ang P-pop group na nagwagayway sa bandera ng bansa sa continental music scene.
Basahin: SB19, tanging Pinoy act na nominado sa MTV Europe Music Awards – Balita – Tagalog Newspaper Tabloid
Hindi rin nagpatinag sa international chart ang grupo kasunod ng 2021 track na "Bazinga" kung saan naungusan nito ang South Korean band na BTS sa loob ng dalawang linggo.
Maliban dito, kaliwa’t kanang appearance sa ilang international musical events ang nagbigay oportunidad din grupo para ipamalas ang galing ng Pinoy kabilang ang trending nilang Round Festival stint sa South Korea.
Habang nagpapatuloy sa kanilang makulay na journey, bagong kantang "Where You At" o WYAT ang handog ng grupo kasabay ng kaliwa’t kanang soldout concert sa bansa kamakailan.
Samantala, kasalukuyang naghahanda na ang five-member group para sa kanilang world tour kabilang na sa Dubai, New York, Los Angeles, San Francisco at Singapore.
Pangako ng grupo, ipagdiriwang nila ang espesyal na anibersaryo pagbalik ng bansa.
“Apat na taon na tayong magkakasama, sinong mag-aakala! The universe really transpired for us to meet and experience this incredible journey together. Let's enjoy the ride, A'TIN! Thank you, forever, ” mababasa sa Facebook post ng SB19 nitong Miyerkules.
Binubuo nina Pablo, Stell, Josh, Ken at Justin ang award-winning Ppop phenomenon.
