Muling mapapanood sa isang teleserye si Diamond Star Maricel Soriano sa darating na 2023, na pinamagatang "Linlang", sa produksyon ng Dreamscape Entertainment, isa sa production units ng ABS-CBN.
Bigatin din ang comeback series ni Marya dahil makakasama niya rito sina Paulo Avelino, Kim Chiu, JM De Guzman, award-winning actress Ruby Ruiz, at marami pang iba.
"Kung si Mister kayang manloko, si Misis, matinik magtago ng sekreto! Ihanda ang iyong mga puso sa bagong teleseryeng hindi ka pakakalmahin!" saad sa caption.
Ang huling teleseryeng kinabilangan ni Marya ay ang "Ang Sa Iyo ay Akin" kasama sina Iza Calzado, Sam Milby, at Jodi Sta. Maria.
Empleyadong lasing, patay matapos sapakin ng ginising na katrabaho
Ito na rin ang comeback series nina Kim Chiu at JM De Guzman. Si Kimmy ay mas nagpokus sa kaniyang pagho-host sa "It's Showtime" at paggawa ng pelikula, habang si JM naman, ang huling serye ay ang "Init sa Magdamag".
Si Paulo Avelino naman ay tila hindi nababakante, dahil matapos ang kanilang serye ni Janine Gutierrez na "Marry Me Marry You" at pagiging bahagi ng "Flower of Evil", heto't mapapanood na naman siya sa isang serye na tiyak na heavy drama ang tema.
