Emosyonal ang talent manager na si Lolit Solis nang tanggalin siya ng Professional Artist Managers, Inc. o PAMI.
"SAAN? SAAN Ako nagkamali Salve. Imagine mo at my age, going 76 at condition na sickly, Bully pa daw ako. Sure ako na hindi puwede maging Ms. Amity, pero never ko ninais na makasakit or manakot ng kasamahan," sey ni Lolit sa kaniyang Instagram nitong Biyernes, Oktubre 21.
"Nagkaruon tuloy ako ng self pity na Cancelled na, Expelled pa. My God, end all at be all ng buhay ko na ma invite sa MGA presscon ni Shirley Kuan, at lifetime bucket list ko ang maging Member ng PAMI dahil it will complete my life," dagdag pa niya.
Ayon pa sa showbiz columnist, hindi na raw siya si Lolit Solis dahil expelled na raw siya sa PAMI.
50.78% examinees, pasado sa Nov. 2024 Licensure Exam for Agriculturists
"Ngayon, hindi na kumpleto ang buhay ko, hindi na ako si Lolit Solis dahil Expelled na ako sa PAMI at hindi na mai invite sa 1000 presscons ni Shirley Kuan. Huh huh, dapat na ako mag quit sa showbiz, ibigay ko na lahat talents ko sa Mahuhusay na Managers na sila Shirley Kuan, Dolor Guevarra at June Rufino," aniya.
Tila mas naging emosyonal pa si Manay nang sabihin niyang wala na raw siyang maipagmamalaki.
"My life will never be the same again, I am broken, wala na akong puwede pang ipagmalaki, useless na ako, huh huh, kailangan mag consult na ako sa lawyer gaya ni Shirley. Parang ang mas dapat yata gawin Consult your Conscience, di ba Bum Tenorio," anang 75-anyos na talent manager.
"Sa mga ganitong pangyayari dapat ang itanong Saan nagkamali ? Ano ang mali ? May nagawa bang mali ? Hay naku Salve, pag ako na dead sa self pity, at sa pag iyak dahil Cancelled ako at Expelled, multuhin ko at hilahin mga paa ng mga nang api sa akin.
"Please STOP bullying me. Panay ba nga pagsasabi ninyo ng masasama tungkol sa akin, bully nyo pa ako. Takot ako noh, tataba nyo baka daganan ninyo ako at mag English dumugo tenga ko. Tigilan nyo ako, please."
Matatandaang ipinatanggal ng PAMI si Manay Lolit matapos ang malinaw na paglabag sa alituntunin ng grupo.
Ibinahagi ng showbiz personality ang kaniyang expulsion letter mula sa grupo. Pag-amin ni Manay Lolit, ikinalungkot niya ang natanggap na liham.
“Alam ko na may nagawa akong kasalanan kaya tanggap ko ang parusa,” aniya.
Basahin:https://balita.net.ph/2022/10/19/manay-lolit-lumabag-sa-alituntunin-ng-pami-ipinatanggal-tanggap-ko-ang-parusa/
