Nabagbag ang damdamin ng mga netizen sa ginawa at ibinigay ng komedyanteng si Kiray Celis para sa kaniyang mahal na ina, na mapapanood sa kaniyang Facebook account noong Biyernes, Oktubre 14.
Niregaluhan lang naman ni Kiray ng bagong paupahang bahay at mga alahas ang kaniyang butihing ina!
#WalangPasok: Class suspensions ngayong Biyernes, Sept. 20
Sa araw ng house warming o pagpapa-blessing ng kanilang tatlong palapag na bahay-paupahan ay nagsagawa ng tour si Kiray sa kabuuan nito. “Nandito na tayo sa bago naming paupahan, bagong bahay, regalo ko kay Mama,” ani Kiray.
“Masaya, masarap. Hindi ko ma-explain ‘yung nararamdaman kong saya. Kasi suwerte ako na nagkaanak ako ng Kiray,” tanging nasabi na lamang ng kaniyang nanay para sa kabutihan ng puso ng kaniyang anak.
Pagdating naman sa pagreregalo ng mga alahas, lagi umanong natatandaan ni Kiray ang sinasabi ng kaniyang mama noong bata pa siya.
Tatlong alahas ang iniregalo ng komedyante sa kaniyang mahal na ina.
"Laging sinasabi sa akin ni Mama noong bata pa ako, kapag may nagtanong daw sa akin ano gusto kong regalo, sabihin ko daw ginto. Para iwas-usog tapos pag wala kaming pera, puwede daw masanla. Tumataas pa value habang tumatagal. Which is totoo naman. Kaya eto ako, eto ang regalo ko sa kaniya. Kuwintas na may picture naming dalawa, isang singsing na may initial niya at kuwintas na may diamonds. I love you, Mama!" ani Kiray.
Kilala si Kiray sa pagiging mapagbigay lalo na sa kaniyang mga magulang.
Sa tuwing nagdiriwang ito ng mga kaarawan nila, lagi siyang may pasabog na money cake. Naglalaman ito ng perang katumbas ng edad nila.
Nitong 2022 ay binigyan niya ng ₱63K ang 63 anyos niyang ama at ₱57K naman sa 57 anyos na ina.
“Maubos man ang ipon ko sa kakapa-money cake sa inyo every birthday n’yo ni Mama, okay lang. Sobrang thankful at blessed ako taon taon na nadadagdagan lagi ang buhay n’yo,” sey noon ni Kiray.
