Isang malaking karangalan para sa bagong talagang presidential adviser for creative communications na si Direk Paul Soriano na makapagsilbi para sa bayan, gayundin sa administrasyon ni Pangulong Ferdinand "Bongbong" Marcos, Jr., ayon sa kaniyang Instagram post matapos ang kaniyang panunumpa ngayong Lunes, Oktubre 17.
Basahin: https://balita.net.ph/2022/10/17/film-director-paul-soriano-itinalagang-adviser-for-creative-communications/">https://balita.net.ph/2022/10/17/film-director-paul-soriano-itinalagang-adviser-for-creative-communications/
"It’s an absolute honor to be able to serve, first and foremost, of course, for the country and then of course for the PBBM administration…" ayon sa kaniyang caption, kalakip ang mga litrato ng kaniyang panunumpa kay PBBM, na ninong nila sa kasal ng misis na si Toni Gonzaga. Si PBBM ay tiyuhin na rin niya dahil mister ito ng kaniyang tita na si First Lady Liza Araneta-Marcos, na first cousin o pinsan ng tatay ng direktor.
Kasama ni Soriano ang kaniyang misis na si Toni at nag-iisang anak nilang si Seve.
Sa Instagram stories ni Toni ay proud na flinex niya ang mga "before-and-after" ng naturang oath-taking.
"So proud of you!" saad ni Toni.
Basahin: https://balita.net.ph/2022/10/17/so-proud-of-you-toni-at-anak-na-si-seve-present-sa-oath-taking-ni-direk-paul/">https://balita.net.ph/2022/10/17/so-proud-of-you-toni-at-anak-na-si-seve-present-sa-oath-taking-ni-direk-paul/
Ipinakita rin niya ang pagsorpresa nina PBBM at misis nitong si First Lady Liza Araneta-Marcos para sa kaarawan ni Soriano, ngayon ding araw na ito ng kaniyang panunumpa.
Sina Direk Paul at Toni ay inaanak sa kasal ni PBBM. Tita naman ni Direk Paul si FL Liza.
Si Soriano ay isa sa mga pinagpipilian noon na maging Press Secretary kasunod na rin ng pagbibitiw ni Trixie Cruz-Angeles sa puwesto.
Tinanggihan ito ng direktor dahil marami aniyang mas kuwalipikado sa posisyong ito.
Matatandaang malaki ang naging papel ni Soriano sa pangangampanya ng UniTeam noong nagdaang halalan, na umani ng katakot-takot na bash sa social media.
