Galing na mismo sa beterana at premyadong aktres na si Sylvia Sanchez ang kumpirmasyong nasa "dating" stage na ang kapwa Kapamilya stars na sina Zanjoe Marudo at anak niyang si Ria Atayde, ayon sa panayam ni MJ Marfori.
Ayon kay Ibyang, hindi pa opisyal ang relasyon nina Zanjoe at Ria dahil kinikilala pa muna nila ang isa't isa. Pinabulaanan din ng mahusay na aktres ang mga kumakalat na tsikang buntis daw ang kaniyang anak.
"Kaya nga natatawa ako doon sa mga lumalabas na buntis, nagpakasal. Hello! Ako muna makakaalam no, ako po nanay," sey ni Sylvia.
Samantala, pagdating naman sa usapang pagpapakasal ng engaged couple na sina Arjo Atayde at Maine Mendoza, diretsahan at tapat na sinabi ni Ibyang na wala siyang pakialam doon at nasa sa kanila iyon kung kailan ang "grand reveal". Ayaw niya umanong panghimasukan ang anak.
Matapos maligwak ang request: Paolo Duterte, pumayag manatili si VP Sara sa kaniyang opisina
"Ayoko makialam kahit sa wedding (preparations). Meron din akong gusto pero kasi sa kanila 'yon eh, respeto…" giit ng ina nina Ria at Arjo.
