Mismong organizer na ng isang event sa Bataan ang nagtanggol at nagklarong hindi nagmaldita o nag-feeling diva si "Darna" lead star Jane De Leon, nang maimbitahan ito sa isang event sa Bataan, kasama ang Kapuso actor na si Ruru Madrid, na siyang bida naman sa nagtapos na katapat nilang fantaseries na "Lolong".

Ibinahagi ng bagong Darna ng kaniyang henerasyon sa isang Facebook post na naimbitahan siya sa isang event sa bayan ng Limay, Bataan, noong Oktubre 7 ng gabi, na isasagawa sa Limay Park.

"I'm excited to see you na mga Kapamilya, Kapatid, at ka-A2Z ☺️ Magkita-kita po tayo at makisaya sa October 7, 7pm at Limay Park, Limay Bataan," caption ni Jane sa kaniyang Facebook post.

Basahin: https://balita.net.ph/2022/10/01/darlong-darna-at-lolong-maghaharap-shini-ship-ng-netizens/">https://balita.net.ph/2022/10/01/darlong-darna-at-lolong-maghaharap-shini-ship-ng-netizens/

Matapos maligwak ang request: Paolo Duterte, pumayag manatili si VP Sara sa kaniyang opisina

Matapos maligwak ang request: Paolo Duterte, pumayag manatili si VP Sara sa kaniyang opisina

Kapansin-pansin naman sa litrato na pupunta rin sa naturang event si Kapuso star Ruru Madrid, na siyang bida sa "Lolong", na katapat naman ng Darna.

Biro ng mga netizen, sa wakas daw ay magkakaharap na ang dalawang superhero, at nabuo pa ang tambalang "DarLong".

"Bagay kayo ni Ruru Madrid!"

"Lolong versus Darna pala ito haha pero parang bagay sila. Sana magpakita kayo na nakasuot ng costume."

"Wow, harapang Darna at Lolong! Exciting!"

"DarLong sa Bataan, eh di wow!"

"Bagay pala kayo ni Lolong, Darna!"

"Shipping Lolong and Darna, beke nemen!"

Matapos ang event, isang blind item ang lumabas kung saan sinasabing isang "gandarang girl" daw ang nagpa-diva sa isang event, at sinadyang magpahuli ng dating upang siya ang maging finale performer, sa halip na ang "pogilicious" na aktor.

Marami naman ang mga humulang netizen na ang tinutukoy sa naturang blind item ay sina Jane at Ruru.

Ayon naman sa ulat ng isang entertainment site, mismong organizer ng event ang nagsabing hindi naging mahadera si Jane sa naturang event.

"Pareho sila ng call time ni Jane at ni Ruru at pareho silang dumating sa oras. Sa line-up ng performers, si Jane talaga ang finale. Kasi yung mayor namin ay palagi talagang nanonood ng mga ABS-CBN shows pati na Darna," saad umano ng organizer.

"Hindi siya nagmahadera. Hindi siya nag-attitude!" giit pa ng event organizer.