Sa kauna-unahang pagkakataon ay nagkita at nagkasama sa isang litrato sina Kapamilya TV host Luis Manzano at Kapuso news anchor Jessica Soho, na parehong award-winning sa kani-kanilang larangan, at laging nagkakatapatan ng mga programa tuwing Linggo ng gabi.
Makikita ang litrato nina Luis at Jessica sa mismong opisyal na Facebook page ng award-winning news magazine show ni Jessica na "Kapuso Mo Jessica Soho".
Bakit nga ba magkasama sila sa iisang litrato? Magiging guest ba si Luis sa KMJS? Hudyat ba ito ng paglundag niya ng ibang network?
Sa mismong caption ng post, sinagot na rin ang dahilan kung bakit: nagkapareho lang pala sila ng taping venue. Si Luis ay nagsho-shoot para sa kaniyang vlog habang si Jessica naman ay para sa KMJS. Karagdagang kaalaman, kahit na minsan ay nagkakatapat ang mga show nila (I Can See Your Voice kay Luis) ay nagpapaabot pala ng tulong ang Kapamilya host sa mga naitatampok ng KMJS, lalo na kung talagang nangangailangan.
Empleyadong lasing, patay matapos sapakin ng ginising na katrabaho
"Look who dropped in sa taping namin?"
"Nagkasabay po noong Huwebes sa isang venue ang taping ng KMJS at ni Lucky Manzano para sa kaniyang vlog.
Lingid po sa kaalaman ng marami, nagkakatapat man dati ang aming mga programa, ilang beses nagpaabot ng tulong si Luis sa mga itinampok naming nangangailangan."
"Muli, maraming salamat Luis!"
Sa comment section nito ay makikitang nag-post ng pasasalamat si Luis.
"God bless you and your team po Ma’m Jessica," ani Luis.
Nagkomento naman ng tatlong red hearts dito ang misis niyang si Jessy Mendiola-Manzano.
