Kasama sa latest vlog ni Joel Mondina o mas kilala bilang "Pambansang Kolokoy" ang singer-performer na si Mystica kung saan makikitang nagsagawa sila ng nauusong "mukbang".

Matatandaang kamakailan lamang ay ibinahagi ni Mystica na magkasama sila sa isang bar ng kontrobersiyal na content creator, at tinanong niya ang mga "anak" kung payag ba ang mga itong maging boyfriend niya ang lalaki.

Sa vlog na "MGA ANAK, PAYAG BA KAYONG MAGING BOYFRIEND KO SI PAMBANSANG KOLOKOY? - MYSTICA" na naka-upload sa kaniyang YouTube channel, makikitang ilang beses na flinex ni Mystica si Pambansang Kolokoy na kaniyang katabi sa upuan.

Tinaniman pa niya ng halik sa pisngi si PK.

Empleyadong lasing, patay matapos sapakin ng ginising na katrabaho

Sa ">latest vlog ni PK, makikitang sinusubuan pa niya ang singer-performer.

Tinanong din ni Kolokoy si Mystica na kung sakali raw na magiging leading man siya nito sa pelikula, paano raw siya nito hahalikan.

Nagharap naman ang dalawa at umaktong tila magtutukaan.

Nilinaw naman ni Mystica na wala namang ibang kahulugan ang paggawad niya ng halik sa pisngi ni PK sa naibahagi niyang video na umani ng samu't-saring komento. Si PK naman, aminadong na-starstruck siya nang makita sa personal si Mystica.

Ngunit may sundot na biro si Mystica nang tanungin siya ni Kolokoy kung masaya na ba siya ngayong nasa Amerika na siya.

"Masaya na ako, nakita na kita eh," hirit ni Mystica.

Makikitang natawa si Kolokoy at bahagyang siniko ang singer-performer.

"Uy… baka mamaya magkaroon na naman ng istorya…"

Nasa Amerika si Mystica para sa kaniyang gigs.

Matatandaang noong Agosto ay inamin ng vlogger na hiwalay na sila ng kaniyang misis na si Marites.

"Yes, mga kaibigan, me and Marites are no longer together. Wala na po kami ni Marites," pag-amin ni PK.

Ayaw pa sanang magsalita ni PK dahil sa prosesong pinagdaraanan nila, subalit minabuti na niyang magsalita at magpaliwanag dahil dumarami ang mga nagtatanong sa kaniya.

Inamin ni Pambansang Kolokoy na may karelasyon na siyang iba, at masaya sila sa piling ng isa't isa.

"Yes, I'm with someone else now, and we're happy. Masaya kami. At hindi naman po ako nagsisisi na nangyari 'yon…"

Ayaw raw niyang magsalita ng hindi maganda tungkol kay Marites lalo at may masasayang pinagsamahan naman sila at ina ito ng kaniyang mga anak.

May mga bagay raw na nangyayari sa kanilang personal na buhay na hindi na nila ipinaaalam at ipinakikita sa vlog; kaiba sa mga nakikita at napapanood ng mga tao, na masayang-masaya sila. Marami raw mga nangyayari sa likod ng camera na hindi alam ng mga tao, at minamabuti na nilang hindi ipinakikita sa kanilang vlog.

Sinagot din ni PK kung kumusta naman ang relasyon niya sa mga anak nila. Sinabi naman niyang okay sila at maayos ang kanilang relasyon.

"They are very okay. Lahat po ng gusto nila, lahat ng hilingin nila, kahit na hindi ko kaya, kinakaya ko. Dahil anak ko po ang mga iyon, mga bestfriends," pahayag niya.

"Hindi po ako pabayang ama… hindi ko po pababayaan ang mga anak ko. Hindi ko rin naman sisiraan si Marites…" aniya pa.