Bukod sa dating Kapamilya actor na si Rhys Miguel, nagsalita na rin ang aktor na si EJ Panganiban laban sa mga paratang ng una kay Patrick Quiroz, hinggil umano sa tangkang "pangmomolestya" nito sa mga kapwa artist ng nagtapos na seryeng "He's Into Her" na pinagbidahan nina Donny Pangilinan at Belle Mariano sa Kapamilya Network.
Sa kumakalat na video ni Rhys na nagmula sa kaniyang Instagram, ibinunyag ni Rhys ang mga ginagawa umano ni Patrick sa kanilang taping. Nagkasama ang dalawa sa seryeng "He's Into Her" na pinagbidahan nina Donny Pangilinan at Belle Mariano.
Nagsimula siya sa pagtatanong sa kaniyang followers kung kilala ba nila si Patrick Quiroz. Nang marami ang sumagot ng "Oo", dito na siya nagsimulang maglahad.
Napansin na raw niya noong una na "binabastos" ni Patrick ang ilan sa mga kasamahan nilang babaeng artists sa serye. Sa umpisa ay wala naman daw siyang problema o concern sa naturang aktor.
50.78% examinees, pasado sa Nov. 2024 Licensure Exam for Agriculturists
Isang babaeng co-star daw nila ang sinabihan nitong "Wow, buti naman kasya ang malaki sa bibig mo" habang kumakain ito ng lollipop.
Gusto raw sanang suntukin ni Rhys si Patrick subalit nakapagtimpi naman daw siya at wala siyang ginawa rito. Wala raw kasi siya sa harapan nito nang mangyari ang insidente. Nakarating lamang sa kaalaman ni Rhys ang kuwentong ito nang magsumbong ang mga babaeng co-artists sa kaniya.
At dito na inilahad ni Rhys ang iba pa niyang mga napansing galawan ni Patrick, mapa-babae man o lalaki.
Ngunit ang shocking revelation pa rito, maging si Rhys umano ay di raw nakaligtas kay Patrick.
"I woke up in the morning. Noong nagising ako, as in ito, raw na raw ito… malambot yung hotdog ko. Jinajakol niya yung lambot ng hotdog ko… kinikiss-kiss niya ako… nagising ako… noong nagising ako, hinahabol-habol ko siya…" kuwento pa ni Rhys.
Marami sa mga netizen ang humimok kay Rhys na magsampa ng kaso laban kay Patrick, kung totoo man daw ito, dahil ito raw ay isang uri ng krimen.
Basahin: https://balita.net.ph/2022/10/12/spilling-the-tea-rhys-miguel-may-ibinunyag-matitinding-paratang-sa-aktor-na-si-patrick-quiroz/">https://balita.net.ph/2022/10/12/spilling-the-tea-rhys-miguel-may-ibinunyag-matitinding-paratang-sa-aktor-na-si-patrick-quiroz/
Bagay na sinegundahan naman ni EJ sa pamamagitan ng kaniyang Facebook post. Aniya, pinagtangkaan din siya ni Patrick subalit "epic fail" ito. Sinabi raw ni Patrick na nami-miss lang daw nito ang kuya niya nang tangkain na siya nitong halikan at hawak-hawakan.
Iyon daw ang dahilan kung bakit hindi na siya nakatulog, dahil kailangang bantayan ang kilos ng aniya ay "manyak" na aktor.
"Tama ka na, Patrick Quiroz," saad ni EJ sa bandang dulo.
Samantala, pinabulaanan naman ng ABS-CBN Films ang claim ni Rhys na wala aniyang ginawang aksiyon ang management sa mga reklamo laban sa aktor.
Basahin: https://balita.net.ph/2022/10/12/abs-cbn-pinabulaanan-ang-pahayag-ni-rhys-di-raw-nagpabaya-sa-reklamo-vs-patrick/">https://balita.net.ph/2022/10/12/abs-cbn-pinabulaanan-ang-pahayag-ni-rhys-di-raw-nagpabaya-sa-reklamo-vs-patrick/
Pareho nang wala sa Kapamilya Network sina Rhys at Patrick at kapwa napapanood na sa GMA Network.
Samantala, wala pang tugon o pahayag ang kampo ni Patrick Quiroz tungkol sa isyung ito. Kapansin-pansin namang limitado na ang puwedeng magkomento sa kaniyang social media posts.
