Nagbigay ng reaksiyon ang tinaguriang "Pambansang Lalaking Marites" na si Xian Gaza sa naging pahayag ng "Pambansang Krung Krung" at South Korean singer-actress na si Sandara Park.
Ayon sa ulat ng Soompi mula sa panayam kay Sandara sa episode ng "Problem Child in House," sinabi nito na sinunod ng K-pop star ang lahat ng panuntunan sa pakikipag-date na ipinapatupad ng kanyang dating management agency.
Sa ngayon daw, handa na siyang pumasok sa isang pakikipagrelasyon.
"Now, I want a long-term relationship. I’ve moved out on my own, my situation’s better, and I’ve become more mature," ani Sandara.
Empleyadong lasing, patay matapos sapakin ng ginising na katrabaho
Basahin: https://balita.net.ph/2022/10/12/now-i-want-a-long-term-relationship-sandara-park-papag-ibig-na-nga-ba/">https://balita.net.ph/2022/10/12/now-i-want-a-long-term-relationship-sandara-park-papag-ibig-na-nga-ba/
Nagbigay naman dito ng reaksiyon si Gaza.
"Masarap kapag babae ka tapos maganda estado mo sa buhay kasi hindi mo kailangan ng lalaki para maka-survive. Hindi ka magmamadali makapangasawa. Pagsasawaan mo talaga ang iyong pagkadalaga."
May payo naman si Gaza sa kabataang babae ngayon, o tinatawag na "Gen Z".
"Gen Z girls, huwag lalaki ang habulin n'yo sa buhay. Go after success and you will find the man that you deserve."
Si Sandara ay nakilala sa Pilipinas bilang finalist sa "Star Circle Quest Season 1", ang artista-search reality show ng ABS-CBN noong 2004, katapat naman ng "StarStruck" ng GMA Network.
Matapos ang kaniyang showbiz career sa Pilipinas ay mas sumikat pa siya sa kaniyang bayang sinilangan at sa buong daigdig matapos mapabilang sa all-female K-Pop group na "2NE1".
