Muli na namang nag-trending ang latest TikTok video ng Kapamilya actor na si Joshua Garcia matapos niyang sumabay sa hype at sayawin ang "Pull up,pew!” dance craze ngayon sa nabanggit na social media platforms.
Kagaya ng mga nauna niyang TikTok videos ay pumalo agad ito sa 11.5 million views at kinomentuhan ng mga kaibigang celebrity, online personality, at followers niya.
VP Sara, tahasang iginiit na hindi niya binoto si Romuadlez
Isa na rito si Miss Universe 2015 Pia Wurtzbach, na aniya ay nagbukas ulit ng TikTok account niya para lang mapanood si Joshua. Halatang isa ring faney ng aktor ang beauty queen-actress.
“Nag-open ako ulit ng Tiktok para lang dito," ani Pia.
Pabiro naman siyang pinagsabihan ng mga netizen na walang Miss Universe-Miss Universe pagdating kay Pia at matuto siyang "pumila" para kay Joshua Garcia.
Sa ngayon ay mapapanood si Joshua sa hit superhero series na "Mars Ravelo's Darna: The TV Series" na lagi ring pinag-uusapan sa social media.
Kamakailan lamang ay naging laman ng mga balita si Joshua matapos maispatang kasama at ka-holding hands si Bella Racelis. Hindi pa kumpirmado kung ano na ba ang estado ng kanilang relasyon.
Samantala, si Pia naman ay may boyfriend na si Jeremy Jauncey.
