Muling nag-post ang basketball player na si Kobe Paras ng sweet photos nila ng rumored girlfriend na si Erika Rae Poturnak sa kaniyang Instagram account.
Matatandaang marami ang nagulat nang sumabog ang balitang "hiwalay" na sina Kobe at Erika, matapos mapag-alaman ng mga marites na burado na ang lahat ng mga litrato at video ni Kobe sa kaniyang Instagram account, at hindi na naka-follow sa social media ni Erika; gayundin umano si Erika kay Kobe.
Rumored dating pa lamang sila at hindi pa kinukumpirma ang relasyon, subalit kitang-kita sa kanilang mga ibinabahaging litrato at video sa social media ang kanilang "public display of affection". Pareho silang anak ng mga celebrity. Si Kobe, 25 anyos, ay anak nina Benjie Paras at Jackie Forster, sina Ina Raymundo at Brian Poturnak naman ang mga magulang ni Eika, na 20 anyos pa lamang.
Naispatan ng mga netizen na kahit isa ay wala nang post si Kobe sa kaniyang Instagram account, at naka-unfollow na kay Erika.
Empleyadong lasing, patay matapos sapakin ng ginising na katrabaho
Si Erika naman, bagama't hindi naman nagbura ng lahat ng kaniyang posts, ay binura lamang ang mga litrato at video na kasama si Kobe.
Marami ang nawindang na mga marites dahil noon lamang Setyembre 19, muling nag-post si Erika ng mga kuhang litrato nila ni Kobe, sa pagdiriwang nito ng 25th birthday, habang magkasama sila sa West Hollywood, California.
Namataan pa silang magkasama noon sa isang beach sa Bali, Indonesia.
Umani naman ito ng iba't ibang reaksiyon at komento mula sa mga netizen.
Wala namang naging tugon, reaksiyon, o opisyal na pahayag ang dalawa tungkol dito.
Ngunit nitong Oktubre ay muli nang naibalik ang mga IG post ni Kobe, kabilang na ang mga litrato at video nila ni Erika.
Maging sa kaniyang IG stories ay makikita ang kanilang mga litrato. Isa nga rito ang "tukaan" moment nila na makikita sa isang monitor, habang nasa isang grocery store.
