Sasampolan na umano ni Miss Glenda Victorio, CEO/Founder ng isang beauty product, ang isang taong naninira at nandadawit pa sa kaniyang pamilya, matapos niyang katagpuin ang kaniyang magiging legal team para sa kasong balak niyang isampa.
Makikita sa kaniyang social media accounts ang pakikipagtagpo ni Miss Glenda sa mga abogadong sina Atty. Garreth Tungol, Atty. Joren, Atty. Daniel, Atty. Gab at Atty. Sarah.
50.78% examinees, pasado sa Nov. 2024 Licensure Exam for Agriculturists
Hindi naman pinangalanan ni Miss Glenda kung sino ba ang sasampahan niya ng kaso.
"I know, God is always with me," saad pa ng CEO sa kaniyang caption.
Sa isa pang Facebook post, makikitang nagtungo si Miss Glenda at ang legal team sa Department of Justice.
Na-trigger si Miss Glenda na magsampa ng kaso dahil nakaaapekto sa kaniyang kalusugan ang mga umano'y paninira sa kaniya, na naging dahilan pa upang itakbo siya sa ospital.
Sa comment section, buo ang suporta ng mga netizen na nararapat na nga raw niyang sampahan ng kaso kung sino man ang kaniyang tinutukoy.
Abangan na lamang natin ang susunod na kabanata kung sino nga ba ang kaniyang inirereklamo at kakasuhan!
