Taliwas sa marangya at masayang buhay ng celebrity physician ay ang masalimuot na nakaraan nito. Ang isang katotohanang hindi alam ng publiko ay ang pakikipaglaban niya sa Stage 3 breast cancer at sinabihan na mayroon na lamang dalawang taon para mabuhay.
Sa unang episode ng Korina Interviews ng NET25, ibinahagi ni Belo, 65, ang kanyang diagnosis at ipinaliwanag kung balik nawala siya sa spotlight sa loob ng dalawang taon —at iyon ay upang magpagamot.
Ani Belo, ito ang unang pagkakataon na tatalakayin ko ito at dahil lamang sa nagtitiwala siya kay Korina at tapos na rin naman ang isyu na ito.
"I had cancer in 2016. I was diagnosed with third stage cancer of the breast," ani Belo.
ALAMIN: Mga dapat malaman at gawin upang maging ligtas sa ‘tsunami’
Sinabi ng celebrity doctor na sinabihan siya ng kanyang doktor na huwag nang sumubok ng chemotherapy dahil mamamatay na siya sa loob ng dalawang taon.
Aniya, "I was diagnosed I think in January of the year then I went to Europe and I was told by them there that I was going to die —’Don’t bother to have chemo, just fix your affairs. You’re dead in two years.'"
Pagkatapos ay nagpunta siya sa New York Presbyterian, kung saan ang mga eksperto ay hindi rin sigurado tungkol sa kanyang mga pagkakataon.
Sa huli ay sumailalim siya sa chemotherapy at habang ginagamot, nasa tabi niya ang kanyang asawang si Hayden Kho at dating asawang si Atom Henares.
Nakalbo rin siya sa kasal ng kanyang anak na si Cristalle Belo-Pitt.
