NBI, nag-iimbestiga na rin sa pagpatay kay Percy Lapid

By Beth Camia

October 05, 2022

In BALITA

Nag-iimbestiga na rin ang National Bureau of Investigation (NBI) sa pamamaslang sa broadcaster at commentator na si Percival Mabasa o Percy Lapid kamakailan.

Ito ang kinumpirma ni Department of Justice (DOJ) Secretary Jesus Crispin Remulla nitong Miyerkules.

Dahil dito, nagtungo na ang mga tauhan ng NBI sa burol ng mamamahayag sa Manila Memorial Park sa Parañaque para sa pagsisimula ng imbestigasyon sa kaso.

Dumalaw naman sa burol ni Mabasa sina dating Senator Kiko Pangilinan, dating Presidential Commissions Operations Office Secretary Sonny Coloma at asawa ni Senator Koko Pimentel na si Katrina Yu-Pimentel.

Matatandaang pinagbabaril ng riding in-tandem si Mabasa habang lulan ng kanyang kotse sa labas ng gate ngBF Resort Village, Talon Dos sa Las Piñas nitong Oktubre 3 ng gabi.

Humigit-kumulang 500k deboto, dumalo sa prusisyon ng Poong Nazareno ngayong Biyernes Santo

Nagbigay ng pahayag ang Kura Parokong si Rev. Fr. Ramon Jade Licuanan kaugnay sa isinagawang prusisyon ng Poong Nazareno ngayong Biyernes Santo.Sa isang video statement na inilabas ng Quiapo Church nitong Biyernes, Abril 18, sinabi ni Fr. Licuanan na tumagal umano ng mahigit 11 oras ang naturang prusisyon na dinaluhan ng humigit-kumulang 500,000 deboto.Aniya, “Naisagawa po ng Basilika Menor at...

Sen. JV Ejercito, inalala dakilang sakripisyo ni Hesus

Ginunita ni Senador JV Ejercito ang dakilang sakripisyo ni Hesus para sa kaligtasan ng buong sanlibutan ngayong Biyernes Santo, Abril 18.Sa isang Facebook post ni Sen. JV sa mismong araw na binanggit, hiniling niyang magsilbing paalala ang banal na araw na ito.“Nawa'y magsilbing paalala ito sa atin ng tunay na pagmamahal, kapatawaran, at pananampalataya.Mapagpalang Biyernes Santo sa ating...

First Family nagbakasyon sa Suba Beach, Ilocos Norte sa Huwebes Santo

Ibinida ni First Lady Liza Araneta-Marcos ang larawan nila nina Pangulong Ferdinand 'Bongbong' Marcos, Jr. at mga anak na sina Joseph Simon at William Vincent habang nakabakasyon sa Suba Beach sa Ilocos Norte ngayong Huwebes Santo, Abril 17.'Boodling our hearts out on our anniversary day! ,' caption dito ni FL Liza.Hindi naman makikita sa larawan si Ilocos Norte 1st District...