Marami sa mga netizen na naiintriga sa cryptic tweets ng showbiz personality na si Kat Alano ang humihimok na kung talagang nais niyang makamit ang hustisya, magsampa siya ng kaso laban sa isang sikat na celebrity na umano'y nagtangkang manggahasa sa kaniya, ilang dekada na ang nakalilipas.

Ngunit ayon kay Kat, ang paglalantad ng katotohanan at pagsasalita laban dito ay sapat nang pagpapakita ng katapangan sa pagharap dito, ayon sa kaniyang latest tweets.

Umaani kasi ng batikos mula sa mga netizen ang ginagawa niyang pag-iingay sa social media. Hindi raw niya maintindihan kung bakit "victim blaming" ang nararanasan niya ngayon.

Basahin: https://balita.net.ph/2022/09/22/kat-alano-pinuputakti-ng-bashers-dahil-sa-cryptic-tweets-tungkol-sa-gumahasa-sa-kaniya/">https://balita.net.ph/2022/09/22/kat-alano-pinuputakti-ng-bashers-dahil-sa-cryptic-tweets-tungkol-sa-gumahasa-sa-kaniya/

Empleyadong lasing, patay matapos sapakin ng ginising na katrabaho

"I can’t explain how painful it has been to be treated like a bad person for speaking the truth," saad ni Kat sa kaniyang tweet nitong Oktubre 1.

"Also I can’t believe that people can destroy others lives in the name of protecting a rapist."

"Who fixes the damage they’ve done to our reputation, livelihood?"

Sa isa pang tweet kung saan niretweet niya ang sinabi ng isang netizen tungkol sa kaniya, "How dare you imply that courage only comes through filing."

"SPEAKING ALONE TAKES SO MUCH."

"I lost EVERYTHING. They made sure I was DESTROYED."

"Even though I used to work for them."

"They do this so you can’t fight. Can’t you see that."

Palaisipan pa rin sa mga netizen kung sino ba ang kaniyang pinatatamaan, subalit lahat ng ito ay nag-umpisa at sumasabay sa isyung kinasasangkutan ngayon sa pagitan nina Vhong Navarro at Deniece Cornejo, na nagsimula pa noong 2014.

Basahin: https://balita.net.ph/2022/10/01/kat-alano-may-parinig-sa-babaeng-sumusuporta-sa-rape-victims-pero-nasa-panig-daw-ng-rapist-ngayon/">https://balita.net.ph/2022/10/01/kat-alano-may-parinig-sa-babaeng-sumusuporta-sa-rape-victims-pero-nasa-panig-daw-ng-rapist-ngayon/

Kahit kailan, walang binitiwang pangalan si Kat sa isang sikat na celebrity umano na nagtangkang gumahasa sa kaniya noon, subalit hindi lamang daw natuloy; subalit nagbigay siya ng clue na ang pangalan nito ay katunog ng "Wrong".

Marami naman sa mga netizen ang umuudyok sa kaniyang mag-name drop na o kaya naman ay magsampa na rin ng kaso upang matamo niya ang hustisyang hinahanap niya.

Aminado si Kat na hindi umano madali ang pagboses niya sa social media dahil siya pa raw ngayon ang binabanatan ng mga netizen dahil sa kaniyang cryptic posts.