Agaw-eksena sa social media ang larawan ng pagsasalu-salo ng ilang nagga-gwapuhang kandidato ng Manhunt International Male Supermodel 2022 sa isang boodle fight sa Puerto Galera.
Ikinagaga ng libu-libong Pinoy netizens ang arrival photos ng Puerto Galera Tourism office nitong Huwebes, Setyembre 29, tampok ang pinaka-makikisig at nag-gagwapuhang kandidato para sa all-male international pageant.
ALAMIN: 10 bansang hindi nagdiriwang ng Pasko
Kabilang nga sa viral photo ang boodle fight session ng mga kandidato na nai-share na ng mahigit 27,000 beses, sa pag-uulat.
Kabilang sa napansin ng libu-libong netizens ang nakalululang pagkain, lalo na ang paborito at 'di mawawalang BJ, o buko juice.
Pilya ring ‘di pinalagpas ng mga ito ang anila’y “preferred boodle fight” at ang iba’y nais pang agad-agad na magbakasyon sa kilalang destinasyon sa Mindoro.
Effective ang tourism promotion? Patuloy pa ring usap-usapan ang viral na larawan habang isinusulat ang istoryang ito.
Samantala, ngayong Sabado, Oktubre 1, gaganapin ang grand finals ng pageant sa Okada Manila sa Parañaque.
