Isa sa mga tinalakay nina Ogie Diaz at Mama Loi sa showbiz/entertainment vlog na "Showbiz Now Na" ang pagbibigay ng reaksiyon ng online personality na si Valentine Rosales, sa isyu ng mag-amang Dennis Padilla at Julia Barretto noong Setyembre 18, 2022.
Nag-ugat ito sa mga naging pahayag ni Julia sa panayam sa kaniya ni ABS-CBN news anchor Karen Davila, sa latest vlog nito.
Basahin: https://balita.net.ph/2022/09/16/julia-barretto-hindi-pa-handang-patawarin-ang-amang-si-dennis-padilla/">https://balita.net.ph/2022/09/16/julia-barretto-hindi-pa-handang-patawarin-ang-amang-si-dennis-padilla/
Inamin ni Julia na hindi pa niya napapatawad ang kaniyang ama, sa kung anuman ang nangyari sa kanila sa nakaraan, na maaaring dahilan kung bakit tila ilang at dedma silang magkakapatid sa mga social media post ni Dennis patungkol sa kanila.
50.78% examinees, pasado sa Nov. 2024 Licensure Exam for Agriculturists
Bagay na pinalagan naman ni Dennis at agad na tinawag ang atensyon ni Karen. Nais daw niyang magkaroon ng panayam dito ASAP para maipaliwanag naman ang kaniyang panig.
Anyway, si Valentine naman ay pumanig kay Julia, batay sa kaniyang Facebook comment sa pagtawag naman ng atensyon ng tiyahin ni Julia na si Optimum Star Claudine Barretto kay Dennis.
Basahin: https://balita.net.ph/2022/09/19/maawa-ka-sa-mga-bata-claudine-barretto-nakiusap-kay-dennis-padilla-na-tigilan-na-si-julia/">https://balita.net.ph/2022/09/19/maawa-ka-sa-mga-bata-claudine-barretto-nakiusap-kay-dennis-padilla-na-tigilan-na-si-julia/
"During those days na lumalaki mga anak mo and need ng father while they are struggling with the challenges of life missing in action ka?"
"Now that Julia is rich and famous tapos may sarili nang utak to decide for her own, bigla kang present?"
"Such a Good Father… Go Claudine!"
Basahin: https://balita.net.ph/2022/09/19/valentine-rosales-pumanig-kay-julia-barretto-may-mensahe-kay-dennis-padilla/">https://balita.net.ph/2022/09/19/valentine-rosales-pumanig-kay-julia-barretto-may-mensahe-kay-dennis-padilla/
Sa isa pang Facebook comment, tila pinayuhan ni Valentine si Dennis na huwag nang isapubliko kung anuman ang hidwaan nilang magpamilya. Baka raw sa halip na mapalapit siya sa mga anak at maresolba ang mga problema nila, baka mas maging dahilan pa ito upang mapalayo pang lalo ang loob nina Julia, Claudia, at Leon sa kaniya.
Ginamit na lunsaran o reference ni Ogie ang pubmat ng Balita Online nang i-ulat ang naging reaksiyon nito. Ani Ogie, "hindi raw niya kinaya" si Valentine. Matapos basahin ang naging reaksiyon ni Valentine, sinabi ni Ogie na "sumasawsaw" na rin itong kagaya ni "Queen SawsaweRRa" RR Enriquez.
"Itong si Valentine, hindi niya alam ang kanyang sinasabi. Anak, hindi mo sila lubos na kilala. Walang hinahabol si Dennis. Gusto lang niyang makausap ang kanyang mga anak, gusto niya lang maibalik ang dati nilang relasyon na napaka-close nila noong sila pa ni Marjorie na ngayon eh naninibago nga siya dahil lahat ng anak niya eh parang iisa na ang pag-uugali," ani Ogie Diaz.
Dagdag pa ni Ogie, "Kaya Valentine Rosales, mali ka dito ha. Ipahinga mo itong opinyon mo, anak, pero opinyon mo ito. Gusto kong igalang kaya lang gusto lang din kitang i-ano, sa showbiz, hindi siya nanghihingi ng kahit singko."
Buking pa ni Ogie, isa raw sa mga anak nina Dennis at Marjorie ang kumuwestyon sa ginawa nitong pagpapaunlak ng panayam sa kaniya. Nilinaw rin niyang walang tinanggap na kahit magkanong halaga si Dennis mula sa kaniya.
Samantala, wala pang tugon, reaksiyon, o pahayag si Valentine tungkol sa payo sa kaniya ni Ogie.
