Hindi na napigilan ng isang fan ng sikat na singer-songwriter na si Arthur Nery at sumampa na ito sa stage para yakapin at akma pang hahalikan ang singer sa gitna ng kaniyang setlist sa isang music festival sa Camarines Sur kamakailan.
Sa viral video, habang nagpapasalamat si Arthur sa 70,000 attendees ng kauna-unahang Hiraya Music Festival sa Pili, Camarines Sur noong Sabado, Setyembre 24, makikita ang isang emosyonal na babaeng fan na bigla na lang sumampa sa stage.
Andrew E, ibinuking ang sikreto kung bakit loyal sa kaniya ang buong Pilipinas
Agad nitong niyakap si Arthur at akma pang hahalikan ang singer.
Sunod na makikita ang isang production staff na pilit na kinokontrol ang sitwasyon.
Bagaman makikitang gulat, kalmado at game pa rin na pinagbigyan ng singer ang fan ng isang selfie.
Hindi naman nagustuhan ng iba pang Binhi, o tawag sa loyal fans ni Arthur, ang viral na tagpo.
Anila, bagaman isang public figure, dapat pa rin umanong igalang ang “private space” ng artist.
“Reminding all fans of Arthur Nery to please respect his personal space in every events he'll be attending,” saad ng isang fan page ng singer, Lunes.
“Yes, please. Mahal natin si Arthur but to invade his personal space during his gig is a big NO. Artist safety is a must. Masaya na tayong makita sya ng malapitan,” segunda ng isa ring fan.
“To be honest napaka inappropriate nung actions ni ate girl. Sana humingi man lang ng permission kung iha hug mo si Arthur and sana wag na I kiss remember meron pa din tayong virus na kumakalat what if mahawa si Arthur kung sakali man na may covid orother viruses ka na dala. Kawawa din mismo yung artist. Fans please alamin natin ang limit natin MAHAL na MAHAL ko din si Arthur sobra sobra BUT I WILL NEVER EVER INVADE HIS PERSONAL SPACE. And girls please kumalma naman tayo remember babae pa din tayo,” dismayadong saad ng isa pang fan.
“Napaka inappropriate naman kasi ng ginawa ni ate gurl. I mean naiintindihan naman nating lahat yung pagkagustong lapitan si r2r diba pero... Hays
,” dismayadong komento ng isa pang fan.
“Kung fan ka, you should know your limit. Never ever invade his personal space. Look how uncomfortable he is.”
“In all fairness, mabait si Arturo di niya tinulak or somehow naging gentleman pa rin siya. Siguro iyong kiss ay beyond na since we're talking about his safety here. Lab ü pa rin, Arturo.”
“Pumayag na yung artist sa yakap. Beh, know your limits. Over na yung attempt to kiss.”
Wala naging pahayag ang event o maging si Arthur ukol sa insidente.
Samantala, nakasama ni Arthur sa parehong event ang bandang Rivermaya, at si Skusta Clee.
Si Arthur ay kilala sa mga kantang “Pagsamo,” “Isa Lang,” “Happy w u,” Take All The Love,” bukod sa iba pa.
Ngayong taon nakatakdang magbalik ng music scene si Arthur para sa kaniyang sophomore album.
