Tila walang balak na palakihin pa ng fashion star na si Kim Jones ang intrigang hiwalayan umano nila ng asawang si Jericho Rosales.
Kamakailan lang ay ipinagdiwang ng aktor ang kaniyang ika-43 kaarawan.
Base sa Instagram post ng modelo na kuha pa sa La Union, tila beach getaway ang napiling paraan ng selebrasyon ng celebrity couple ngayong taon para sa espesyal na okasyon.
“Birthday boy in his natural habitat. This year is yours @jerichorosalesofficial!!!!” mababasa sa isang IG post ni Kim noong Miyerkules, kalakip ang mga larawan ng asawang aktor.
4.5-magnitude na lindol, yumanig sa Surigao del Norte
Binalikan naman ito ni Jericho ng matamis na tugon: “I loooove! Back at you, 👑! 🧡”
Ito’y kasunod ng mga intriga kamakailan ukol sa umano’y hiwalayan ng showbiz couple matapos ang kanilang eight-year marriage.
Matatandaang nauna nang tinawanan lang ng aktor ang nasabing chismis nang makorner ng ilang miyembro ng press sa isang brand guesting.
“All right guys! I love you. Thank you,” saad na lang ng aktor sa midya habang intensyonal na ipagkibit-balikat ang intriga.
