Nang mabugbog noong 2014 at mamalagi sa ospital si Vhong Navarro, nag-iwan umano ng tsekeng P1 million si Willie Revillame para sa comedian-host.
Ito ang naungkat sa programa ni Cristy Fermin nitong Huwebes matapos na mag-react ang showbiz columnist ukol sa pag-usad ng kasong rape na isinampa ni Deniece Cornejo laban sa host.
Saad ni Cristy, ayon umano sa napanuod niyang vlog at sa ulat ng isang pahayagan, “handa raw tulungan ni Willie Revillame si Vhong Navarro sa kaniyang kinahihinatnan.”
Dagdag niya, hindi lang umano ngayon kundi noon pa man ay nasa likod na ni Vhong ang “Wowowin” host.
50.78% examinees, pasado sa Nov. 2024 Licensure Exam for Agriculturists
“Alam niyo po, hindi lang ngayon. Eto po ah, hindi na ako magpapaalam kay Willie Revillame pero totoo at alam ko po ang katotohanan. Dumalaw po sa Willie Revillame noon sa ospital, kay Vhong Navarro, nag-iwan siya ng P1 million na tseke.” ani Cristy.
“Ang sabi niya kay Vhong, 'Lipat ka ng kwarto, 'yung mas malaki. Kasi napakaliit nito, kapag sabay-sabay na dumalaw ang mga kasamahan at kaibigan mo, mapupuno.' Tapos 'yung mga doktor, parang magkakapalitan na sila ng mukha. Nag-iwan ng isang milyon na tseke si Willie Revillame, hindi lang po ngayon. Noon pa man po,” dagdag nito.
Hindi rin pinalampas ni Cristy ang dati rin daw na hindi pagpapasalamat noon ni Vhong kay Willie bago ito umalis ng ABS-CBN, bagay na hindi naman umano dinamdam ng batikang host.
Sa pag-uulat, nananatiling nasa kustodiya ng National Bureau of Investigation (NBI) si Vhong sa kabila ng hiling ng kampo ni Deniece na ilipat ang host sa Taguig City Jail.
Nauna na ring nagpahayag ang naghablang modelo sa paglaban sa kaso hanggang sa dulo.
