Si Asia’s Phoenix Morissette Amon ang pinakabagong nagbigay-buhay sa 2004 hit ni Erik Santos sa kantang isinulat ng award-winning songwriter at record producer na si Jonathan Manalo.
Nitong Biyernes, Setyembre 23, napakinggan na ang limang kantang tampok sa “The Music of Jonathan Manalo: 20 Years,” higit tatlong linggo bago ang 20th anniversary concert ng music genius sa Newport Performing Arts Theater.
Kabilang sa anniversary tracks ang kantang “’Di Ko Kayang Limutin,” sa interpretasyon ni R&B Queen Kyla, “How Can I” ni “Soul Siren” Nina, “Always on Time” ni “Fearless Diva” Jona, at bagong version ng kantang “Patuloy ang Pangarap” ni Gigi De Lana.
Bagong tunog ng original Pinoy music (OPM) hugot classic na “Pagbigyang Muli” na orihinal na kinanta ni “Star In A Million” champion na si Erik, ang tampok din sa mga special release.
FL Liza Araneta-Marcos, nanguna sa pagbubukas ng ilang atraksyon sa Intramuros
Sa pinakabagong interpretasyon nito, si Morissette ang napili ni Jonathan na magbigay bagong kulay sa kanta.
Agad na tumabo sa Alternative Genre chart sa iTune Philippines ang bagong version ilang oras lang matapos ang release.
Sa isang Instagram post, nagpasalamat naman ang Pinay diva sa Creative Director ng ABS-CBN Music.
“The latest and my version of ‘Pagbigyang Muli’ from ‘THE MUSIC OF JONATHAN MANALO: 20 Years’ is out now!!! thank you po Kuya @jonathanmanalo for making me a part of your milestone project, and trusting me with one of your most challenging songs at may mga bagong bali pa haha 🌼 #JM20 #JonathanManalo,” mababasa sa IG post ni Morissette, Miyerkules.
Si Morissette ay isa lang sa marami nang OPM artists na nagbigay-buhay sa sikat na kanta.
Nauna nang napakinggan ang duet version ng kanta tampok si Erik at Asia’s Songbird Regine Velasquez noong 2018 at kamakailang version ni Darren Espanto para sa musical series na “Lyric and Beat.”
