Ibinahagi ng dating momshie host ng "Magandang Buhay" na si Karla Estrada ang kaniyang pagbabalik-eskuwela, ayon sa kaniyang latest Instagram post nitong Miyerkules, Setyembre 21, 2022.
Makikita sa kaniyang mga ibinahaging larawan na ibinalandra ni Karla ang kaniyang school ID, at mukhang sa Philippine Christian University nag-enrol ang host-actress-singer.
Sa pamantasang ito nagtapos ng kanilang master's degree program ang ilan sa mga sikat na celebrity gaya nina Ronnie Liang at Pambansang Kamao at dating senador na si Manny Pacquiao.
Basahin: https://balita.net.ph/2022/08/28/pacquiao-natapos-na-ang-masters-degree-sa-pcu/">https://balita.net.ph/2022/08/28/pacquiao-natapos-na-ang-masters-degree-sa-pcu/
#WalangPasok: Class suspensions ngayong Biyernes, Sept. 20
"And the Journey begins.🙏🏻🙏🏻👩⚕️," saad sa caption ni Karla.
"Where’s the canteeeeen????" pabiro pa niyang hirit.
May hashtags pa itong "#backtoschool@40ish", "#educationhasnoborders", at "#restartourdream".
Nagpaabot naman ng pagbati sa kaniya ang mga celebrity friends gaya nina Erik Santos, Karen Davila, Marjorie Barretto, KaladKaren Davila, Jackie Foster, DJ Chacha, at iba pa.
Hindi naman nabanggit ni Karla kung anong kurso ang kukunin niya.
