Ipakikilala na umano ang Kapuso actress na si Bea Binene bilang bagong contract star ng "Viva Artists Agency", ayon sa ulat ng isang entertainment site.
Ayon sa Philippine Entertainment Portal o PEP, matapos ang ilang dekada ay pipirma na sa VAA si Bea, na nagsimula ang career bilang bahagi ng "StarStruck Kids" noong 2004 at nanatiling proud to be a Kapuso.
Noong Abril 2021, hindi na raw ni-renew ang kontrata ni Bea sa Kapuso Network kaya nalungkot ang kaniyang mga tagahanga; bandang Hulyo, isang Bea naman ang binigyan ng eksklusibong kontrata, subalit ito ay si Bea Alonzo na nag-ober da bakod mula sa ABS-CBN.
Gayunman, napasama pa siya sa isang TV project na "The Fake Life" subalit matapos nito ay wala na siyang napabababalitang proyekto sa kaniyang home network.
Ex-Pres. Duterte, ikakampanya si Quiboloy: 'Marami siyang alam sa buhay!'
Tanong ng marami, kung magiging Viva artist na si Bea Binene, posible kayang mapanood na rin siya o makapag-guest sa shows ng ibang network? O mananatili pa rin siyang loyal Kapuso?
Abangan na lang bukas, at ang mga susunod na kabanata!
