Ipinahiya ng guest team na Bay Area Dragons ang Blackwater, 133-87, sa unang sagupaan sa pagbubukas ng 2022 PBA Commissioner's Cup sa Mall of Asia (MOA) Arena sa Pasay City, nitong Miyerkules.
Isinalansan ni Myles Powell ang 41 puntos, tampok ang 26 na produksyon sa first half.
Bukod dito, nakakuha rin ito ng walong rebounds at tatlong assists."We’re playing through Myles with the ball in his hands.I thought he made good decisions getting everybody involved, and he was somebody they had trouble guarding,” paglalahad niBay Area head coach Brian Goorjian.
Nag-ambag namanng 22 puntos si Greg Yang, bukod pa ang limang rebounds, at pitong assists.
Romualdez, nanawagan sa Kamara: 'Let us reject baseless accusations!'
Tig-13 puntos naman sina Kobey Lam at Zhu Songwei habang nakaipon naman si Hayden Blankley ng 11 puntos sa panalo ng kanyang koponan.
Sinabi naman ni Goorjian, bahagi lang ito ng kanilang paghahanda para sa East Asia Superleague.
Naghahanda na ang Bay Area na harapin ang NorthPort sa MOA sa Sabado.
Naka-13 points naman sa Bossing si Ato Ular, dagdag pa ang 14 rebounds. Gumawa naman ng 11 puntos si Rashawn McCarthy habang si Base Amer ay humakot lang ng 10 puntos.
Hindi nakalaro si Troy Rosario na kalilipat lang sa koponan, kasama si Gab Banal. Sina Rosario at Banal ay inilipat sa Blackwater sa isang three-way agreement ng dati niyang koponang TNT at NLEX.
