Buong-buo ang suporta ng mga host ng noontime show na "It's Showtime" para kay Vhong Navarro dahil sa kinahaharap na kaso ngayon, batay sa live telecast ng programa ngayong Martes, Setyembre 20.
Isang "group hug" ang inialay ng mga host para sa kanilang kaibigan at co-host, na kasalukuyan umanong nakakulong sa detention facility ng National Bureau of Investigation (NBI) dahil walang piyansa ang kasong rape na isinampa sa kaniya ni Deniece Cornejo.
Bago nito, nagpiyansa si Vhong at kusang sumuko sa NBI para naman sa kasong "act of lasciviousness" na isinampa rin sa kaniya ng modelo.
"Kuys Vhong, nandito lang kami, kapit lang. We love you, Kuys Vhong," sey ni Jhong Hilario na kaibigan ni Vhong, at kasama sa dance group na "Streetboys". Naglunsad ng isang movement ang naturang dance group para kay Vhong, na sinuportahan naman ng maraming netizen.
50.78% examinees, pasado sa Nov. 2024 Licensure Exam for Agriculturists
"Yes, Kuys Vhong, mag-group hug tayo para kay Vhong," sang-ayon naman ni Vice Ganda. Nagyakap naman ang mga host para ipakita ang pagsuporta sa kanilang kasamahan at kaibigan.
“I love you, Vhong. We will all be praying for you Vhong!” segunda pa ni Meme.
