Posibleng hindi na makalayang comedian at television host na si Vhong Navarro matapos maglabas ngisa pang warrant of arrest ang korte hinggil sa kinakaharap na kasong panggagahasa na isinampa ng modelong si Deniece Cornejo noong 2014.
Ibinaba ni Taguig City Regional Trial Court Branch 69 Judge Loralie Datahan, ang warrant upang arestuhin si Navarro sa nasabing kaso.
Walang inirekomenda ang korte para sa pansamantalang kalayaan ni Navarro sa kaso.
Nitong Lunes ng umaga, naglabas ng warrant of arrest ang hukuman sa Taguig upang arestuhin si Navarro sa kasong acts of lasciviousness.
Anna Mae Yu Lamentillo itinalaga bilang Editor in Chief ng LSE International Development Review
Nag-ugat ang pagpapalabas ng warrant of arrest matapos paboran ng Court of Appeals (CA) ang mosyon ni Cornejo.
Binaligtad ng CA ang kautusan ng Department of Justice noongAbril 4, 2014 na nagbabasura sa dalawang kasong iniharap ni Cornejo laban kay Navarro.
Iniutos din ng CA na isampa sa korte ang mga kaso laban sa komedyanteng TV host.
