Hindi nanaman nakaiwas sa mata ni Manay Lolit Solis ang Kapuso actress na si Bea Alonzo dahil tila may tirada nanaman ito sa kanya.
"Naku Salve ha, ayoko na sana mag Bea Alonzo pero dahil nanunuod ako sa TV nakikita ko ang teaser nila ni Alden Richards sa Start Up PH," sey ni Lolit sa kanyang Instagram post kamakailan.
Okay naman daw ang mga teaser na ipinalalabas ng GMA pero dapat daw ingatan ang mga anggulo kapag magkasama sina Bea at Alden.
"Ok naman mga teaser pero siguro ingatan na lang mga kuha ni Bea Alonzo lalo pag kasama niya si Alden Richards ha. Kitang kita mo ang youthful looks ni Alden, na lalo pang nagmu mukhang TITA si Bea," sey niya.
Lolit Solis, may tirada muli kay Bea; ikinumpara sa dating aktres na si Nanette Medved
"May anggulo na parang mas matanda si Bea at lalo tuloy nagmumukhang bata si Alden. Baka talagang kailangan na ni Bea ang mas maraming ilaw para mas magmukhang flawless at wrinkle free. Or special make up talaga ni Bambbi Fuentes para maging sing ganda ng mga diva, hah hah," patutsada pa niya.
Talagang hindi pa rin tinitigilan ng batikang showbiz columnist at talent manager ang aktres, aniya, "Talagang we are bind by the hip Bea, kasi lagi magtatagpo ang ating landas, hah hah hah. Kailangan talagang maging best of friends tayo para matuwa si Gorgy at Salve."
Dagdag pa niya, "Para hindi mo na kami pa cancel pag may presscon ka, mas marami kang write up at publicity dahil masipag sila Gorgy at Salve kesa Team Bea mo, promise."
"Iyon team mo, alam lang consult a lawyer, hindi alam na mas maganda addition kesa subtraction. Try mo maging mas ma PR tignan mo, better iyon."
