Mukhang hindi ikinatuwa ng komedyanteng si Dennis Padilla ang naging panayam ni Karen Davila sa anak na si Julia Barretto, lalo na sa tanong nito tungkol sa kanilang relasyong mag-ama.
Sa vlog na ito, hayagang nagbigay ng ilang mga impormasyon at detalye si Julia sa pinag-uusapang ugnayan nilang magkakapatid, sa kanilang amang si Dennis.
Basahin: https://balita.net.ph/2022/09/16/julia-barretto-hindi-pa-handang-patawarin-ang-amang-si-dennis-padilla/">https://balita.net.ph/2022/09/16/julia-barretto-hindi-pa-handang-patawarin-ang-amang-si-dennis-padilla/
"I’ll be very honest. We have not spoken and it’s because there’s just so much fear inside me now if I'm being very open. I’m just really scared because I feel like over the years it's been a cycle of making up and getting hurt,” sey ni Julia.
Magpinsang paslit nagkayayaang maligo sa lawa, nalunod
Napag-usapan din nina Julia at Karen ang tungkol sa viral open letter ng kapatid na si Leon para kay Dennis.
Matatandaang naging palaisipan sa mga netizen kung bakit hanggang ngayon, parang dine-dedma si Dennis ng mga anak nila ni Marjorie Barretto. Nagkasagutan pa nga sa social media sina Dennis at ang anak niyang lalaki na si Leon.
Basahin: https://balita.net.ph/2022/07/03/nahimasmasan-dennis-binura-ang-open-letter-sa-mga-anak-tugon-kay-leon/">https://balita.net.ph/2022/07/03/nahimasmasan-dennis-binura-ang-open-letter-sa-mga-anak-tugon-kay-leon/
Posible naman daw na maging in good terms sina Julia at mga kapatid sa kanilang ama subalit hindi pa umano sila handa.
"Oh yeah. I think it’s possible. But I do hope though that there’s healing between everyone and na ma-resolve. But I’m not sure if it can ever be the same again. But that’s just the truth. I’m not sure if it can ever be the same again but I do hope for healing and just ma-resolve," ani Julia.
Anyway, sunod-sunod ang naging Instagram posts ni Dennis matapos ang panayam, na direktang ipinatutungkol sa mga anak. Tila wafakels na rin ang komedyante sa anumang mga sasabihin o ikokomento ng mga netizen.
"Ako ang dapat takbuhan mo Julia…. I defended you pero nagalit pa kayo sa akin… Sobra kayo…. Ano etong mga kwento mo kay Karen?? @genepadillaaaa @jenny_ontheblock @juliabarretto @Claudia @danibarretto," saad ni Dennis na naka-tag pa sa social media accounts ng kaniyang mga anak.
"Ang buong bahay ko… ang halaga katumbas lang ng isang kotse mo Julia… ano pang revenge ang gusto n'yong gawin? Lahat ng blessings nasa inyo na… humingi ako ng apology sa mga pagkukulang ko… ano pa gusto n'yo?…. pati kay Gerald (Anderson) humingi ako ng apology… ano pa?"
Binanggit pa ni Dennis ang kaniyang yumaong amang si Dencio Padilla at ang inang si Catalina Baldivia. Lagi raw kasing naririnig ni Dennis na mabuti na lamang daw at namana ng mga anak ang kaniyang pisikal na anyo sa mga Barretto.
"Si Dencio Padilla a.k.a. Esteban Baldivia… Lolo mo 'yan… siya owner ng apelyido natin Julia, Claudia at Leon… Pati si Dani ginamit 'yan noong maliit pa siya… Pati sa school… fyi po….@juliabarretto @Claudia @danibarretto @theleonbarretto."
"Lagi n'yong sinasabi na maganda ang lahi n'yo… bakit pangit ba Lola Lina n'yo??? Helloooo!!!!"
"Kalahati ng dugo n'yo… amin galing…"
"Si Catalina Dominguez Baldivia… mother ko po… lola nila Julia, Claudia at Leon… pangit ba siya???"
Basahin: https://balita.net.ph/2022/09/18/dennis-padilla-nanggigil-sa-anak-na-si-julia-barretto-matapos-ang-panayam-kay-karen-davila/">https://balita.net.ph/2022/09/18/dennis-padilla-nanggigil-sa-anak-na-si-julia-barretto-matapos-ang-panayam-kay-karen-davila/
Sa iba pang Instagram post ay tinawag ni Dennis ang atensyon ni Karen Davila at nakiusap dito na kailangan siya nitong kapanayamin upang maipaliwanag naman ang kaniyang panig.
"@iamkarendavila… You better interview ME… para di one sided…. Wag ganun!!! @iamkarendavila," ayon sa isa sa mga Instagram post ni Dennis.
"@iamkarendavila… Usap tayo Karen…. Wag ganun…"
Iginiit ni Dennis na kailangan siyang kapanayamin ni Karen dahil may ilang mga detalyeng binanggit si Julia na hindi umano nito alam, katulad na lamang sa biniling townhouse.
"Pls be fair to all… You need to interview me… Maraming mali sa alam ni Julia… Waiting sa reply mo ty."
Agad namang tumugon si Karen Davila sa panawagan ni Dennis.
"Good Morning Dennis! Just saw this…. texted you back just now."
Sumang-ayon naman ang mga netizen na nararapat na ngang marinig ang panig ni Dennis. May mga nagmungkahi pang bakit hindi na lamang pagsabayin at pagharapin sina Dennis at Marjorie.
Samantala, wala pang reaksiyon, tugon, o pahayag ang kampo ni Marjorie Barretto at kaniyang mga anak tungkol dito.
