Tutok sa "#IdolPH2TheFinalShowdown" ang dating judge nitong si Unkabogable Star Vice Ganda, batay sa kaniyang tweets nitong Sabado, Setyembre 17 ng gabi.
"Now watching #IDOLPH2TheFinalShowdown. Anong comment ng mga judges natin dito sa chwicher?" tweet ni Meme.
https://twitter.com/vicegandako/status/1571101125381881858
DepEd, sinabing walang korapsyon sa pamumuno ni Sonny Angara
Sa Saturday episode na ito, nagbakbakan ang top 5 upang makilala na ang final 3 hopefuls para sa Grand Finals, at makikilala na ang Idol PH Season 2.
Matapos ang kani-kanilang performances ay pasok na sa final showdown sina Kice, Ryssi at Khimo habang nagtapos na ang Idol journey nina Bryan at Ann Raniel.
Matapos ang pinagsamang boto ng judges at taumbayan, tanging sina Kice, Ryssi, at Khimo ang napiling umusad sa kompetisyon habang nag-babu na sa kanilang Idol experience sina Ann at Bryan.
Basahin: https://balita.net.ph/2022/09/17/idol-philippines-s2-top-3-nakilala-na-netizens-umalma-muli-sa-resulta/">https://balita.net.ph/2022/09/17/idol-philippines-s2-top-3-nakilala-na-netizens-umalma-muli-sa-resulta/
Kagaya ng mga naunang rounds ay umani na naman ng komento mula sa mga netizen ang resulta.
Si Vice Ganda naman, nag-tweet na tila feeling daw niya ay hindi happy si Ate Reg o si Asia's Songbird Regine Velasquez-Alcasid. Hindi naman tinukoy ng award-winning TV host-comedian kung ano ang maaaring feeling niya ay dahilan kung bakit hindi masaya si Ate Reg.
"Feeling ko di happy si Ate mo Regine. Feeling ko lang naman. Pero baka mali ang feeling ko. Kasi feeling ko din maganda ko eh. #IdolPH2TheFinalShowdown," aniya.
Umani naman ito ng iba't ibang reaksiyon at komento mula sa mga madlang pipol. May mga netizen pa na nagkumpara sa kalibre ng Idol PH contestants sa "Tawag ng Tanghalan" o TNT sa "It's Showtime". Ayon sa mga netizen, mas "bardagulan" pa raw ang daily rounds ng TNT contestants kaysa sa ipinamalas na performance ng mga Idol PH hopefuls para sa final showdown.
Sa isa pang tweet, pabirong sinabi ni Meme na ang binoto niya para sa Idol PH ay si Songbird. Sey ng mga netizen, baka "subtle way" daw ng komedyante ito para sabihing wala pa siyang bet sa mga hopefuls na pumasok sa finals.
Samantala, wala pang tweet o pahayag si Regine tungkol sa sinabi ni Meme Vice.
