Kumurot sa puso at nagpaantig sa damdamin ng mga netizen ang kumakalat na screengrab na mahihinuhang mula sa isang TikTok video ng isang lalaking may kakaibang tattoo sa kaniyang kanang bisig---isang grocery list!
Ngunit sa halip na pagtawanan ay napaluha ang mga netizen sa kuwento sa likod nito. Alam umano ng lalaki na marami ang maweweirduhan sa kaniyang ginawa, subalit ang naturang grocery list ay isinulat pala ng kaniyang nakababatang kapatid na lalaki bago ito pumanaw, sa hindi nabanggit na dahilan.
"Sabi ko noon, my next tattoo will be my most memorable tattoo na hindi ko pagsisisihan," ayon sa text caption ng unang larawan.
Sa pangalawang larawan, makikita ang grocery list ng pumanaw na little brother ng nagpa-tattoo.
BALITAnaw: Ang dalawang babaeng naging pangulo ng Pilipinas
"My youngest brother never failed to message me every payday."
"Bago pa makapagpadala, may sarili na siyang listahan of goods for his own."
"Not until he died this June…"
"This was the last grocery list he wrote…"
"I know, a lot of people will make fun of this…"
"People will laugh at things they don't understand…"
"But I don't care that much…"
"For me, this is the most beautiful masterpiece I've ever had."
"You will forever be my always, li'l bro."
"I miss you brother!"
Sa ngayon ay umabot na sa 4K ang reactions at mahigit 600 ang shares ng naturang post. Sa ngayon ay hindi pa matukoy ang pagkakakilanlan ng orihinal na owner nito.
