Magpapa-block screening daw ang 'Maid in Malacañang' director na si Darryl Yap sakaling magkaroon ng hearing si Miss Q&A Season 1 Grand Winner Juliana Parizcova Segovia hinggil sa 'di umano'y cyber libel case nito.
"Juliana Parizcova Segovia sino’ng kinaldagdag ang utak na magsasabing may kademademanda sa sinabi mo?" saad ni Darryl sa kanyang Facebook post nitong Miyerkules, Setyembre 14.
"Pag may hearing na, papablockscreening ako," dagdag pa niya.
Dalawang Tulfo brothers, nanguna sa survey ng senatorial race
Sumagot naman si Juliana sa sinabi ng direktor, "ok direk pavideo mo pag blockscreening, pag regular run quiet ka lang HAHAHAH pwede ko namang sabihing joke lang yun kasi gawain niya yun hahaahha."
Matatandaang tuluyan na umanong sinampahan ng kasong cyber libel ng award-winning director at abogadong si Atty. Vince Tañada, gayundin ang kaniyang co-producers ng pelikulang “Katips”, si Juliana.
Ayon sa panayam sa director-abogado ng isang entertainment media, nai-file na raw ng kaniyang mga co-producers na mga abogado rin ang kaso dahil talagang nasaktan sila sa mga sinabi ng komedyante. Hinihintay na lamang daw lumabas ang desisyon ng piskalya tungkol dito.
Nasabi pa niya na kailangan umanong turuan ng leksyon ang “fake news peddlers” o mga taong nagkakalat ng misinformation at disinformation.
Basahin:https://balita.net.ph/2022/09/10/juliana-tinuluyan-na-umanong-kasuhan-ng-cyber-libel-ni-atty-vince-co-producers-ng-katips/
