Isang bagong kanta ang ipinasilip ni Jason Hernandez na anang netizens ay tumutukoy sa naging hiwalayan nila ng dating asawang si Moira Dela Torre.
Sa ilang social media posts ni Jason, ibinahagi ng singer songwriter ang teaser photo ng kantang “Ako Na Lang.”
“Hanngang saan ko ba, ilalaban to? Hanggang kailan maniniwala na dapat tayo?” mababasa sa caption ni Jason na tila bahagi rin ng mga salita sa kanta.
Matatandaang Mayo nang kumpirmahan ni Jason at Moira ang kanilang naging hiwalayan.
Martin Nievera, may madamdaming mensahe kay Sofronio Vasquez
Ilang netizens naman ang muling nalungkot sa bagong kanta ng singer-songwriter, at nagpahayag pa ng pag-asa pa rin sa pagbabalikan ng musician couple.
Gayunpaman, ilang fans din ang tila hindi kumbinsido kay Jason lalo pa’t ito ang hindi naging tapat sa marriage nila ni Moira.
“Being unfaithful is a CHOICE and not a MISTAKE. As a man, being faithful to your wife/partner is bare minimum di pa nagawa. Gagawa gawa ka kalokohan tapos susulat sulat ka songs like this na ‘Ako nalang’, hibang ka na ba?” komento ng isang follower ni Jason sa Instagram.
“Wag ka na lng paasa! Kawawa naman si Ms. Moira. Hanapin mo muna sarili mo at alamin kung ano talaga gusto mo Jason,” segunda ng isa pa.
“Ang cringe talaga ng gan'to for me. Lolokohin mo wife mo then after months here you are who wrote a song about it to seek for people's validation/empathy hays.”
“Says a MANLOLOKO who chose to be unfaithful to his wife pero SADBOI eme amaccana accla. 🙄”
Noong Hunyo, ibinahagi rin ni Moira na may kanta siyang isinulat na nakatakdang marinig ng publiko.
