Hindi makapaniwala ang pasaherong si "Ian Lemuel" matapos tumambad sa kaniya ang sandamakmak na basurang iniwanan ng mga nagdaang pasahero, sa bus na kaniyang nasakyan habang pauwi mula sa trabaho.
Ang nakakaloka rito, ginawang basurahan ng mga di natukoy na pasahero ang mga kurtinang pula na nasa likod ng mga upuan; hindi lamang isa kundi dalawa!
"Pag-upo ko ganyan na siya. 'Yung pang-cover ng seats, ginawang basurahan," ani Ian sa isang panayam.
"Hindi ko na rin nabanggit sa konduktor. 'Yung destination kasi ng nasakyan kong bus, medyo malapit na 'ko sa last stop nila," dagdag niya.
ALAMIN: Mga dapat malaman at gawin upang maging ligtas sa ‘tsunami’
Umani naman ito ng iba't ibang reaksiyon at komento mula sa mga netizen.
"Ang dudugyot! Siguro yung gumawa niyan, ganyan siya sa bahay nila. Kung saan-saan na lang tinatapon yung mga pinagkalatan niya. Sayang lang yung pinag-aralan niya. Di ginamit sa matinong gawain."
"Grabe naman mga pag-uugali ng mga ibang Pinoy, mga burara!"
"Ganiyan talaga mga taong walang disiplina at mga asal-hayop."
"Galing! ang ganda ng design ng bus, made from recycled materials."
