Tila naisipang pagtripan ni Asia's Songbird Regine Velasquez at 'Idol Philippines' Host Robi Domingo ang picture ng Unkabogable star na si Vice Ganda sa hallway ng ABS-CBN.
"Yung hindi nyo masyadong mapagtanto kung nagagandahan kayo sa mayaman nyong office mate o balak nyo lang utangan," kwelang caption ni Regine sa kanyang Instagram post kamakailan.
"Tayo ay humingi ng kahilingan sa birtud," komento naman ni Robi.
Syempre, hindi rin nagpahuli si Vice Ganda sa pag-comment, aniya "sumainyo ang kapangyarihan ng Mahal na Bertud!"
Nagkomento rin sina Melai Cantiveros at Gary Valenciano.
Sina Regine at Robi ay kasalukuyang napapanood sa Idol Philippines Season 2.
