Patay ang isang lalaking nag-amok matapos niyang atakihin ang pulis habang tinatangka siyang awatin nito sa Rodriguez, Rizal nitong Linggo ng hapon.
Dead on arrival sa Casimiro Ynares Medical Center ang suspek na si Jonathan Dado, ng Brgy. San Jose, Rodriguez bunsod ng tinamong tama ng bala sa katawan.
Batay sa ulat ng Rodriguez Municipal Police Station, dakong alas-2:30 ng hapon nang maganap ang insidente sa Block 7, Phase 1K, Kasiglahan Village, sa Brgy. San Jose, Rodriguez.
Nauna rito, sa 'di pa batid na kadahilanan ay nag-amok umano ang suspek kaya’t humingi ng tulong ang mga barangay tanod ng Area 5, Kasiglahan Village, sa mga personnel ng COMPAC 4.
Marikina LGU: Ulat na dinukot ang 4 na menor de edad sa lungsod, fake news!
Kaagad namang rumesponde si PSSG Nestor Cruz at kasama ang mga barangay tanod ay tinangkang payapain at awatin ang suspek na armado ng patalim at nanggugulo sa lugar.
Sa halip naman umanong sumuko, sinugod ng suspek ang pulis at inatake sanhi upang mabuwal ito.
Nakaramdam ng panganib para sa kanyang buhay, napilitan ang pulis na barilin ang suspek.
Kaagad rin nila itong isinugod sa Infirmary clinic ngunit kinailangang ilipat sa Casimiro Ynares Medical Center, pero hindi na umabot pa ng buhay.
