Paano nga ba mapagsasabay-sabay ang iba't ibang gawain, katungkulan, at iba pang mga extra curricular activities na buong-buo ang enerhiya at tila hindi napapagod, kagaya na lamang ng gurong si Keive Ozia G. Casimiro, 32 anyos mula sa Bulacan?
Si Sir Keive ay parang "lalaking bersyon" daw ni Darna na nakamamangha ang husay sa pamamahala ng oras upang magampanan ang mabibigat na katungkulan sa kaniyang propesyon bilang Vice President for Marketing at Senior High School Principal sa Liceo di San Lorenzo sa Sta. Maria, Bulacan (kung saan may teaching load din siya); at hindi lamang iyan, propesor din siya sa Bulacan State University. Kaya naman, bilib na bilib sa kaniya ang mga gurong nasa ilalim ng kaniyang pangangasiwa.
Asong inabandona sa paradahan ng tricycle noon, 'poging-pogi' na ngayon
Masasabing pinahahalagahan ni Sir Keive ang pagtatamo ng edukasyon kahit na nakaranas siya ng mga balakid noon upang matamo ito. Nagtapos siya ng Bachelor of Secondary Education Major in English sa Our Lady of Fatima University sa Quezon City, at natapos na rin ang Master of Arts in Education Major in School Leadership and Management sa Saint Dominic Savio College sa Caloocan City.
Malalim ang pinanggagalingan ni Sir Keive kung bakit niya ginagawa ang mga bagay na ito. Ayon sa eksklusibong panayam ng Balita Online sa kaniya para sa National Teacher's Month, maraming beses na raw siyang na-reject sa trabaho subalit hindi siya sumukong makamit ang kaniyang pagtatagumpay.
"Maraming beses akong hindi pinaniwalaan sa mga naunang trabaho ko. Maraming beses na may mga nag-down sa akin, na di ko raw kakayanin. May mga pagkakataon pang tinatawanan lang ako. Pero I never stop dreaming. I did not stop learning. Kasi I have goals eh. I always believed that no one can stop a man with faith and a man with determination," aniya.
Nakaranas man ng mga pangmamaliit sa ibang tao, hindi ito naging hadlang para kay Sir Kieve na tahakin ang tugatog ng kaniyang pagtatagumpay.
Maituturing daw niyang "greatest achievement" ang mga katungkulang ipinagkatiwala sa kaniya, kagaya ng pagiging punungguro at Vice President for Marketing.
"The greatest achievement of course is when I made my family proud. Another is, when I was trusted to be the SHS principal and VP of Liceo di San Lorenzo-the first PACUCOA-accredited school in Santa Maria, Bulacan. Also, when I started joining international organizations. I used this opportunity to help fellow educators in different divisions during 2020-2021 who wanted to learn more in the field of education."
At ngayong naabot na niya ang mga pinangarap niya noon, naniniwala siyang ang sukling maibibigay niya ay tulungan ang mga kagaya niya noon, na pinagtatawanan at hindi pinagkakatiwalaan.
"I always believe that helping others would be one of the greatest achievements I can have. Learning and success should not be kept in me, it must be shared so that others can benefit as well. Trophies and medals are just symbols of success, the real parameters of such are the people whom we touch lives," paliwanag niya.
Kagaya ng iba pang nagpupursige sa buhay, naging inspirasyon ni Sir Keive ang kaniyang pamilya, bukod sa kaniyang sarili.
"Of course first my parents. They are my first teachers, maybe not academically but the lessons in life which I used as great tools to survive in life's struggles."
"My administrators in Liceo, Ma'am Irene, Ma'am Ivie and Ma'am Iris who have always guided me in all aspects of being school VP and Principal. my dean in OLFU when I was in college Dean Ramonita Salazar and our Research Director Dr. Michael Joseph Diño who have served as my consultants even up to now and my friends Sir Zaldy Basir the late Dr. Alvin Nuqui, and Ma'am Mary Bulaong of Bulacan State University for trusting my capacity in so many aspects."
"I always believed in the saying 'Let us give the credit to whom the credit is due' kaya I mentioned all of them."
May mensahe naman si Sir Keive sa kabataang Pilipino, na kagaya niya ay nakakaranas din ng pangmamaliit ng ibang tao.
"Life has always been challenging. Whenever we fail, it does not mean we should stop, it is either we go or we take another route so we can know what God has planned for us."
"Determination, passion, hard work, maintaining great friendship with others and helping people were my keys to where I am right now."
Nakatanggap si Sir Keive ng iba't ibang mga parangal dahil sa kaniyang dedikasyon sa pagtuturo at pagganap sa kaniyang mga katungkulan.
Saludo kami sa iyo, Sir Keive!
