Mainit na sinalubong ng pageant fans ang beauty queen at Miss Intercontinental 2021 na si Cinderella Faye Obeñita sa bansang Vietnam para sa ilang official duties bilang reigning queen.
Tumulak ng Vietnam si Cindy noong Miyerkules para sa ilang serye ng kaniyang tungkulin bilang kasalukuyang titleholder ng pageant brand.
Sa ilang mga larawang ibinahagi ni Cindy sa kaniyang social media, ilang young pageant fans ang sumalubong sa Pinay sa airport.
'Iconic women!' Pinakamalaki at pinakamaliit na babae sa buong mundo, nagkita!
Nakikilala na rin ang Vietnam bilang isa sa mga bansang Asya na nagpapadala ng malalakas na delegada sa ilang international beauty pageants, lalo na sa Miss Universe.
Kasama naman sa nag-welcome kay Cindy ang itinalagang Miss Intercontinental Vietnam 2022 na si Le Nguyen Bao Ngoc.
Noong Huwebes, si Cindy rin ang nag-pin ng official sash sa Vietnamese representative.
Bumiyahe ang Pinay titleholder sa Vietnam upang isulong din ang turismo ng bansa, kultura nito at ang pagtampok sa mga Vietnamese.
Nitong Biyernes, kasama rin ni Cindy si Le Nguyen para gunitain ang ika-77 Independence Day ng Vietnam.
Sa Oktubre matatapos ang reign ni Cindy kasunod ng inaabangan nang Miss Intercontinental 2022 sa Egypt.
