Binaha ang ilang lugar sa lungsod ng Maynila nitong Sabado dahil na rin sa naranasang malalakas na pag-ulan.
Bunsod nito, nagkaloob ang pamunuan ng Manila Disaster Risk Reduction and Management Office (MDRMMO) at Manila Police District (MPD) ng libreng sakay sa mga stranded na pasahero.
Ayon kay Atty. Princess Abante, tagapagsalita ni Manila Mayor Honey Lacuna, ang libreng sakay ay mula Vito Cruz, Taft Avenue hanggang Monumento at Welcome Rotonda at Divisoria.
“Libeng Sakay also currently implemented. Salamat po and ingat po lahat!” ani Abante, sa isang Viber message sa mga mamamahayag.
FL Liza Araneta-Marcos, nanguna sa pagbubukas ng ilang atraksyon sa Intramuros
“Libreng Sakay po under MDRRMO and MPD po. Vito Cruz, Taft Avenue po to Monumento Welcome Rotonda po saka Divisoria,” aniya pa.
Batay sa ulat ng MPD, hanggang alas-12:00 ng tanghali ng Setyembre 3, 2022, kabilang sa mga lugar na may baha ay ang Dimasalang/Aragon St. at Rizal Avenue/Recto na sakop ng MPD-Sta. Cruz Police Station (PS-3); Ramon Magsaysay Blvd/Altura at España/Blumentritt na sakop ng MPD-Sampaloc Police Station (PS-4); Union St. at Peñafrancia corner P. Gil, Paco at Taft Avenue corner Padre Faura to UN Ave (Northbound), na sakop ng MPD-Ermita Police Station (PS-5); A. Francisco to Tejeron, Quirino to P. Gil, at Pasigline to Sagrada Pamilya to A. Francisco, na sakop ng MPD-Sta. Ana Police Station (PS-6).
May baha rin umano sa Jose Abad Santos/Antipolo St. at Jose Abad Santos/Tayuman St., na sakop naman ng MPD-Jose Abad Santos Police Station (PS-7); Pedro Gil corner P. Quirino, Paco PNR Station, at P. Quirino northbound corner Tomas Claudio na sakop ng MPD-Pandacan Police Station (PS-10); Main Road ng Brgy. 649, Baseco Compound, sa Port Area, na sakop ng MPD-Baseco Police Station (PS-13) at Bilibid Viejo tapat ng San Sebastian Church na sakop naman ng MPD-Barbosa Police Station (PS-14).
Anang MPD, ang mga naturang lugar ay pawang baha ngunit nananatiling passable naman sa lahat ng uri ng sasakyan.
