Nang mabalitaan na sinugod sa ospital si Senador Bong Revilla noong Miyerkules ng umaga, natakot umano si Manay Lolit Solis dahil isa ang senador sa mga mahal na mahal niyang alaga.
"Scary ang dating sa akin ng balita na isinugod si Bong Revilla sa hospital, Salve. Alam mo na isa si Bong Revilla sa mga mahal na mahal kong alaga," sey ni Lolit sa kanyang Instagram post nitong Setyembre 1.
Inilarawan din niya ang mga katangian ng senador.
"Napakabait at napakalaki ng puso ni Bong sa mga tao, kaya people friendly siya. Madaling lapitan, hindi namimili ng kausap, talagang sincere sa pakikipagkaibigan," ani Manay.
#WalangPasok: Class suspensions ngayong Biyernes, Sept. 20
"Kaya mabuti na lang at isang minor stomach pain lang pala ang dahilan, pero mabuti at na diagnose agad. Dapat talagang ingatan ni Bong ang kanyang health, napakarami pa niyang dapat gawin at magagawa, kailangan niya ang malusog na katawan para maharap ang trabaho," dagdag pa niya.
Bukod dito pinayuhan din niya si Revilla, "Saka tandaan mo Bong na isa ka sa mag aalaga sa akin, kaya ako dapat mauna sa iyo noh, wala kang karapatan mauna sa akin."
"Promise mo iyan, tuparin mo. Kundi, magagalit ako. Stay healthy and strong always, my ever favorite Bong Revilla, Promise," aniya pa.
Isinugod noong Miyerkules ng umaga si Revilla dahil sa severe abdominal pain at nausea. Noong kinahapunan, sumailalim ito sa isang surgery upang alisin ang ureteral stones.
Samantala, kasalukuyang nagpapagaling ang senador.
