Tila hindi pa rin tinitigilan ni Manay Lolit Solis ang Kapuso actress na si Bea Alonzo dahil may patutsada nanaman ito tungkol sa kanya.
Nauna nang sinabi ni Lolit na balak na niyang tigilan si Beadahil hindi naman daw umano ito ipinagtatanggol ng Team Bea at maging ng manager nito.
“Naku, balak ko ng tigilan si Bea dahil hindi naman siya ipinagtatanggol ng Team Bea, sayang ang bayad niya sa mga publicist niya,” aniya.
“Saka bakit hindi siya ipagtanggol ng manager niya para sa image niya, dapat meron silang way para maayos ang mga lapses, kaya lang ba nila magpa cancel ng invitation, wala man lang image building?” sey pa niya.
Agusan del Sur, nilindol ng magnitude 5.3
Basahin:https://balita.net.ph/2022/08/25/lolit-solis-balak-na-nga-bang-tigilan-si-bea-alonzo/" target="_blank">https://balita.net.ph/2022/08/25/lolit-solis-balak-na-nga-bang-tigilan-si-bea-alonzo/
Gayunman, nitong Linggo, Agosto 28 may panibagong patutsada si Lolit kaugnay sa pag-cancel umano ng Team Bea sa mga press people sa isang press conference.
"Naku Salve, talagang ayaw ko ng pansinin si Bea Alonzo dahil parang waste of time na. Nagtataka ako na hindi naman siya ipinagtatanggol ng Team Bea maliban sa magpacancel ng mga press people na tulad nyo ni Gorgy sa presscon na hindi naman sila anggumasta, at pressured lang nila ang may ari na huwag tayo invite or else hindi darating si Lola Bea na wala naman nagawa sa sales ng product na endorser siya," sey niya.
Dagdag pa niya, kawawa raw yung produktong ineendorso ni Bea dahil sa pag-cancel sa mga press na puwede raw makatulong sa 'palaos' na career ng aktres.
"Imagine mo, isang product na madali sanang mabili sa market hindi naging saleable dahil endorser si Bea Alonzo. Malulugi niyan ang mouthwash na si Bea ang nagbenta. Kawawa naman. Kasi nga negative agad ang ginawa ng Team Bea niya, nagpa-cancel agad ng mga taong puwede pa sana makatulong sa kanyang palaos na career.Naku baka hindi na ma renew ang contract dahil sa mababang sales.
"Naku Gorgy at Salve, dapat alisin na ang sumpa, baka naman hindi si Bea Alonzo ang nagpa cancel, baka iyon Team Bea niya nag power trip lang , pero dahil nangyari na, Ok lang, basta tandaan, lahat ng sikat nalalaos, maganda nagiging pangit, bata tumatanda," ayon pa sa batikang kolumnista.
Kaugnay nito, may mensahe siya para sa aktres.
"Aral iyan Bea Alonzo na dapat mong pag aralan, huwag masyado ilusyonada, tumapak sa lupa, or else, baka madapa. Hah hah hah, joke joke joke."
Samantala, ibinahagi rin ng 75-anyos angnararanasang hirap ng kaniyang dialysis session sa panibagong update ng kaniyang nagpapatuloy na pagpapagaling.
“Nasa dialysis chair na naman ako Salve. Apat na oras na naman ako mag people watching, observing mga dialysis patients like me. Nakakatuwa naman na accepted na nila ang mga kalagayan nila, na parang regular thing na lang ang nagaganap, na magiging normal ang buhay nila after the treatment na sinasabing nagpro prolong ng buhay,” anang showbiz veteran.“Hindi nga preventive ang dialysis, pero sabi nga, mas hahaba ang buhay mo pag ginawa mo ito, kaya siguro may hope sa bawat mukha ng mga nasa dialysis machine. Naku, talaga lang siguro likas ang pagka maldita ko, kaya hindi ko ma feel iyon hope na iyon,” dagdag pa niya.
Basahin:https://balita.net.ph/2022/08/26/manay-lolit-solis-talagang-dusa-di-ramdam-ang-pag-asa-sa-kaniyang-pagpapa-dialysis/
