Balak na raw tigilan ni Manay Lolit Solis ang Kapuso actress na si Bea Alonzo dahil hindi naman daw umano ito ipinagtatanggol ng Team Bea at maging ng manager nito.

Sa isang Instagram post nitong Miyerkules, Agosto 24, balak na niyang tigilan ang aktres ngunit bago ito ikinuwento niya muna na nagpadala raw ng love money ang isang fan ni Bea.

"Natawa ako sa isang fan ni Bea Alonzo na nagpadala ng 'love money' na $35 para sa akin, dahil daw sa lagi kong 'pagbibiro' kay Bea kaya ang mga paa nito nasa lupaparinhangga ngayon. Parang ako na raw ang 'disciplining' Lola Lolit ni Bea Alonzo. Bongga di ba, at least nakikita nila in a constructive way ang mga IG at columns ko sa PSN at PM," ani Lolit.

"Ganyan dapat ang mga fans, tignan nila in a different way ang isang bagay, huwag maging one side track lang," dagdag pa niya.

National

UP, top university pa rin sa Pinas; Iba pang paaralan sa bansa, pasok sa Asian ranking!

Dito na rin binanggit ng 75-anyos na si Lolit na balak na niyang tigilan si Bea dahil hindi naman daw ito ipinagtatanggol ng Team Bea at ng manager nito.

"Naku, balak ko ng tigilan si Bea dahil hindi naman siya ipinagtatanggol ng Team Bea, sayang ang bayad niya sa mga publicist niya," aniya.

"Saka bakit hindi siya ipagtanggol ng manager niya para sa image niya, dapat meron silang way para maayos ang mga lapses, kaya lang ba nila magpa cancel ng invitation, wala man lang image building?" sey pa niya.

Gayunman, hindi pa rin nakatakas ang aktres sa patutsada ng batikang showbiz columnist.

"Tignan mo, ang tingin ngayon kay Bea Alonzo isang bitter, Lola looking, palaos na star, dahil hinayaan nila na mag stick iyon sa utak ng mga tao. Dapat inayos agad, nasaan ang Team Bea ? Please labas na kayo."

View this post on Instagram

A post shared by Lolit Solis Official (@akosilolitsolis)

Sa lahat ng mga naging pasaring ni Lolit tila dedma lang ang aktres dahil busy ito sa kaniyang career maging sa kanyang lovelife.