Hindi akalain ng isang netizen na naglalambing lamang daw sa kaniyang nobyo na makatatanggap siya ng produktong manok ng isang food chart.
Ibinahagi ng naturang food chart business ang screengrab ng chat, kung saan mababasang na-wrong send lamang ang netizen sa kanilang FB page.
"Ay hala! Sorry po na-wrong send. Nagba-browse po kasi ako sa page n'yo tapos bigla ako nag-crave huhu. Boyfriend ko po talaga icha-chat ko para maglambing na ibili niya ako ng Monster Wings. Kindly disregard this message na lang po hahahaha sorry po ulit!" mababasang mensahe at paghingi ng dispensa ng naturang netizen na nagkamali ng pagse-send ng mensahe.
Sa halip na i-seen zone lamang ay tumugon naman ang admin ng FB page ng naturang chicken business. Sinabi nitong padadalhan niya ang netizen ng isang kahon ng mojos at anim na pirasong chicken wings upang hindi na ito mag-crave.
Dating tindero ng isda sa Quiapo, sikat na filmmaker na sa Dubai!
"Hi, Ma'am! Good afternoon po. We'll send you a box of mojos and 6 pieces of wings to share to satisfy your #MonsterWingsCravings," anila. Hiningi nito ang lokasyon ng netizen at sagot na rin nila ang delivery fee.
Hindi naman makapaniwala ang netizen sa ginawa ng naturang food cart.
"We insist po, Ma'am. Saka para po hindi ka na rin sad," saad nito.
Mapapa-sana all ka na lang talaga!
